بھارت کے سابق اسپنر ہربھجن سنگھ کی ہمیشہ سے یہی کوشش رہی ہے کہ پاکستان کے خلاف زہر آلود بیانات دے کر لوگوں کی توجہ حاصل کی جاسکے۔
حالانکہ ہربھجن سنگھ کی شعیب اختر، شاہد آفریدی، ثقلین مشتاق اور محمد یوسف جیسے کئی سابق پاکستانی کھلاڑیوں سے دوستیاں ہیں مگر اس کے باوجود وہ پاکستان کے خلاف زہر اگلنے سے باز نہیں آتے۔
رپورٹس کے مطابق چیمپئنر ٹرافی 2025 کے انعقاد سے متعلق پاکستان اور بھارت کے درمیان ڈیڈلاک پر بھی ہربھجن پاکستان کیخلاف تحقیر آمیز بیان دینے سے باز نہ آئے۔
ہربھجن کا اس حوالے سے بات کرتے ہوئے کہنا تھا کہ آپ کے بھارت نہ آنے سے کوئی فرق پڑے گا، آپ بھارت مت آئیے کوئی بات نہیں، آپ بھارت نہ آئیں، آپ کے پاس آپشن ہے۔
اُنہوں نے کہا کہ بس آپ ہائبرڈ ماڈل میں ٹورنامنٹ کرائیں، شائقین کو صرف کرکٹ دیکھنے میں دلچسپی ہے، بھارت بمقابلہ پاکستان میچز ویسے ہی بہت کم ہوتے ہیں۔
سابق اسپنر نے کہا کہ اگر آپ نے اس میں تنازع ڈالنا ہے تو بھی میچ کہاں ہوگا، یہ جو میچ ہو رہا ہے اسے ہونے دیں، چیمپئنر ٹرافی 2025 ہونی چاہئے، اِس انا میں نہیں آنا چاہیے کہ نہیں آؤ گے تو یہ نہیں ہوگا۔
ہربھجن کا مزید کہنا تھا کہ ہائبرڈ ماڈل میں کھیلو، تاکہ شائقین کرکٹ دیکھ سکیں گے، اگر آپ ان میں بھی گڑبڑ کرنے کی کوشش کریں گے، تو یہ ٹورنامنٹ کیسے ہوسکتا ہے۔
بھارتی کھلاڑی دبئی اور ابوظبی میں کھیلنے کو تیار ہیں۔ آپ بھارت نہ آئیں، آپ کے پاس انتخاب ہے لیکن وہ پسند بھارتی ٹیم کے پاس بھی موجود ہے۔
پاکستان اور زمبابوے کے درمیان دوسرا ٹی ٹوئنٹی آج کھیلا جائے گا
اگر آپ کو یہ محسوس ہورہا ہے کہ آپ کے نہ آنے سے بھارت میں جو ٹورنامنٹ ہو رہا ہے اس سے فرق پڑ رہا ہے تو آپ کی سوچ ہے۔
