قیمے کو مختلف طریقوں اور مختلف سبزیوں کے ساتھ پکایا جاتا ہے، آج آپ کو ہری مرچ کا مزیدار قیمہ بنانے کی ترکیب بتائی جارہی ہے۔
اجزا
قیمہ: آدھا کلو
ہری مرچیں: آدھا پاؤ
ٹماٹر: 1 پاؤ
پیاز: 1 عدد
نمک: حسب ذوق
ادرک: 1 چائے کا چمچ
لہسن: 1 چائے کا چمچ
لال مرچیں: 1 چائے کا چمچ
دھنیہ پاؤڈر: 1 چائے کا چمچ
زیرہ پاؤڈر: 1 چائے کا چمچ
گرم مصالحہ: 1 چائے کا چمچ
ہلدی: 1 چوتھائی چائے کا چمچ
ترکیب
تیل گرم کر کے اس میں پیاز، ادرک، لہسن اور قیمہ ڈال کر بھون لیں۔
جب قیمے کا پانی خشک ہو جائے تو نمک، لال مرچ، ہلدی، دھنیہ، زیرہ اور ٹماٹر شامل کریں۔
اس کے بعد تھوڑا پانی ڈال کر پکائیں۔ قیمہ گل جائے تو اس میں پسا گرم مصالحہ شامل کریں۔
ہری مرچیں ایک ایک انچ کے ٹکڑے کاٹ لیں، تیل گرم کر کے ہری مرچیں فرائی کرلیں۔ جب قیمہ بھون جائے تو تلی مرچیں شامل کر کے دم پر چھوڑ دیں۔
آخر میں ہرا دھنیہ شامل کرلیں، ہری مرچ کا قیمہ تیار ہے۔
