انگلینڈ کے خلاف چوتھے ٹی ٹوئنٹی میں میچ کا پانسہ قومی ٹیم کے حق میں پلٹنے والے فاسٹ بولر حارث روف کو مین آف دی میچ قرار دیا گیا۔
انگلینڈ کی ٹیم 167 رنز کے مقابلے میں 163 رنز بناکر آؤٹ ہوگئی، حارث روف کے شاندار اوور نے میچ کا نقشہ تبدیل کیا۔
حارث رؤف نے دو گیندوں پر دو وکٹیں لیکر میچ کا پانسہ پلٹا، اس سے قبل انگلینڈ کے جارح مزاج بیٹر لیام ڈاسن نے محمد حسنین کے اوور میں 25 رنز بٹور کر میچ کو انگلینڈ کی جھولی میں ڈال دیا تھا۔
SUPERSTAR HARIS RAUF 🔥🔥#PAKvENG | #UKSePK pic.twitter.com/79d9jjwFhF
— Pakistan Cricket (@TheRealPCB) September 25, 2022
حارث روف کا کہنا ہے کہ ہم نے ہار نہیں مانی تھی یقین تھا کہ کچھ کر سکتے ہیں ڈوسن کی وکٹ لینے کے بعد اعتماد آیا تو اگلی ہی گیند پر دوسری وکٹ مل گئی۔
ان کا کہنا تھا کہ دباو ضرور ہوتا ہے لیکن انٹرنیشنل پلیئرز کو اسی پریشر کے لیے تیار کیا جاتا ہے۔