The news is by your side.

Advertisement

طاقتور کا احتساب ہو گا تو ملک ہمیشہ کے لیے بدل جائے گا‘ ہارون عمران گل

لاہور: پاکستان تحریک انصاف کے رہنما ہارون عمران گل نے کہا کہ ہم کاروباری برادری کی مدد کریں گے تاکہ ملک میں کاروبار بڑھے جس سے روزگار بھی بڑھے گا۔

تفصیلات کے مطابق پاکستان تحریک انصاف کے رہنما ہارون عمران گل کا کہنا ہے کہ 60 سال میں ملک کا قرضہ 6 ہزار ارب روپے تھا جو 10 سالوں میں 30 ہزار ارب روپے تک پہنچ گیا۔

انہوں نے کہا کہ ملک لوٹنے والوں کو چھوڑ کر آگے بڑھا جائے لیکن ایسا کرنا ملک سے غداری کے مترادف ہو گا۔

ہارون عمران گل نے کہا کہ طاقتور کا احتساب ہو گا تو ملک ہمیشہ کے لیے بدل جائے گا۔ ماضی کے قرضوں اور خساروں کی وجہ سے ملک کو مشکل حالات کا سامنا کرنا پڑا۔

پاکستان تحریک انصاف کے رہنما ہارون عمران گل نے کہا کہ ہم کاروباری برادری کی مدد کریں گے تاکہ ملک میں کاروبار بڑھے جس سے روزگار بھی بڑھے گا، قرضوں کی واپسی ہوسکے گی اور ملک ترقی کرے گا۔

پورے ملک میں احتساب کا عمل جاری رہے گا، قاسم خان سوری

یاد رہے کہ گزشتہ ہفتے ڈپٹی اسپیکر قومی اسمبلی قاسم خان سوری کا کہنا تھا کہ جس نے بھی اس ملک کے عوام کے پیسے کھائے ہیں وہ احتساب سے نہیں بچے گا۔

Comments

یہ بھی پڑھیں