کانگریس کی جانب سے ڈونلڈ ٹرمپ کی بطور امریکی صدر کامیابی کی باضابطہ توثیق کردی گئی ہے۔
غیر ملکی ذرائع ابلاغ کے مطابق امریکا کی نائب صدر کاملا ہیریس نے حریف ڈونلڈ ٹرمپ کی باضابطہ کامیابی کی توثیق کی جس کے بعد انتقال اقتدار پرامن طور پر منتقل ہونے کی راہ ہموار ہوگئی ہے۔
اس سے قبل نو منتخب امریکی صدر ٹرمپ ہش منی کیس کا فیصلہ سنانے والے نیویارک کے جج پر برہم ہوگئے اور انہیں متنازع اور کرپٹ قرار دیدیا۔
نو منتخب صدر امریکی ٹرمپ نے کہا کہ نیو یارک اسٹیٹ کہ سپریم کورٹ کے جج کو برطرف کیا جانا چاہیئے۔
ٹرمپ نے جج جوآن مرچن پر الزام عائد کیا کہ وہ ڈیموکریٹ پارٹی کیلئے کام کررہے ہیں، ٹرمپ نے کہا ہش منی کیس بائیڈن انتظامیہ کی انتقامی کارروائی ہے۔
واضح رہے کہ جج جوآن مرچن نے گزشتہ روز ٹرمپ کی صدارتی استثنیٰ کی استدعا مسترد کی تھی جج جوآن مرچن رقوم کی ادائیگیاں چھپانے پر ٹرمپ کو 10 جنوری کو سزا سنانے کا اعلان کیا ہے۔
دوسری جانب ریپبلکن رہنما کی جانب سے ٹرمپ کے خلاف عدالتی فیصلے پر اپیل دائر کیے جانے کا امکان ہے۔
کینیڈین وزیراعظم جسٹن ٹروڈو کا مستعفی ہونے کا اعلان
خیال رہے کہ ٹرمپ مجرم قرار دیے جانے کے باوجود صدر کی حیثیت سے خدمات انجام دینے والے امریکا کے پہلے صدر ہوں گے۔
