The news is by your side.

Advertisement

ہیری اور میگھن سے شاہی ٹائٹل واپس لے لیا گیا

لندن: ملک برطانیہ الزبتھ کی جانب سے ہیری اور میگھن سے شاہی ٹائٹل واپس لے لیا گیا۔ ’رائل ہائنس‘ کا ٹائٹل شاہی خاندان کے افراد کے لیے مخصوص ہے۔

تفصیلات کے مطابق ہیری اور میگھن شاہی ٹائٹل استعمال نہیں کرسکیں گے۔ ملکہ برطانیہ کی جانب سے اعلان سامنے آگیا۔ ہیری اور میگھن کا شاہی خدمات کا معاوضہ بھی بند کردیا گیا۔ ہیری اور ان کی اہلیہ کو پبلک فنڈ سے پیسے نہیں ملیں گے۔

ہیری اور میگھن مرکل کی شاہی خاندان سے علیحدگی پر ملکہ برطانیہ کا اپنے حالیہ بیان میں کہنا تھا کہ وہ ہیری اور میگھن کے فیصلے کی حمایت کریں گی۔ ہیری اور میگھن نے واضح کہا کہ وہ عوام کے پیسے پر زندگی نہیں گزارنا چاہتے، خواہش ہے کہ شہزادہ ہیری اور میگھن مرکل سینئر رائل رہیں، ان کے نئی فیملی شروع کرنے کے فیصلے کا احترام کرتے ہیں۔

انہوں نے کہا تھا کہ ہیری اور میگھن مرکل ایک معینہ وقت کے دوران برطانیہ اور کینیڈا میں رہیں گے۔

شاہی خاندان سے علیحدگی ، 4 دن میں ہیری اور میگھن مرکل کی مقبولیت میں بے پناہ اضافہ

یاد رہے چند روز قبل برطانوی شہزادے ہیری اور اُن کی اہلیہ میگھن مرکل نے شاہی خاندان سے علیحدگی اور معاشی طور پر خود مختاری کا فیصلہ کرتے ہوئے شمالی امریکا منتقل ہونے کا عندیہ دیا تھا۔

شاہی جوڑے نے اپنے بیان میں کہا تھا کہ وہ شاہی پروٹوکول کو چھوڑ کر عام انسانوں کی طرح زندگی بسر کرنا چاہتے ہیں اور اب وہ مستقبل میں اپنے فلاحی و دیگر کاموں پر توجہ دیں گے۔

بعد ازاں ملکہ برطانیہ نے پرنس ہیری اور میگھن مارکل کی شاہی خاندان سے علیحدگی پر افسوس کا اظہار کرتے ہوئے معاملے کا حل نکالنے کی ہدایت کی تھی اور کہا تھا دونوں کو واپسی پر رضا مند کریں۔

fb-share-icon0
Tweet 20

Comments

comments

یہ بھی پڑھیں