برطانوی عدالت کی جانب سے حسن نواز کی کمپنی کو دیوالیہ قرار دینے کی خبر پر نوازشریف خاندان کا رعمل بھی سامنے آگیا ہے۔
نوازشریف خاندان کے ترجمان نے کہا کہ دیوالیہ کرنے کےعمل کا آغاز 1972 سے ہوا، پہلی مرتبہ ذوالفقار بھٹو کے زمانے میں صنعتوں کو نیشنلائز کیاگیا، مشرف نے یہی کام کیا، شریف خاندان کے ذاتی گھروں پر قبضہ کیا گیا، فیکٹریاں سیل کی گئیں۔
ترجمان نے کہا کہ ثاقب نثار اینڈ کمپنی نے اپنے دور میں شریف خاندان کی انڈسٹری کو تباہ و برباد کیا، شریف خاندان کو صرف سزا کیلئے خاندان کے کاروبار کو 4 بار دیوالیہ کرایا جاچکا ہے۔
شریف خاندان کیلئے یکے بعد دیگر ایسے اتار چڑھاؤ کوئی نئی بات نہیں، ملک و قوم اور اصولوں کی خاطر شریف خاندان نے نجی کاروبار کے نقصانات برداشت کیے۔
ترجمان شریف خاندان کا مزید کہنا تھا کہ کمپنیوں کے دیوالیہ ہونے کے عرصے میں ٹیکس نہیں دیا جاتا، برطانوی عدالت نے حسن نواز کے مؤقف کو درست قرار دیا ہے۔
