لاہور: پاکستان جونیئر لیگ میں قومی ٹیم کے فاسٹ بولر حسن علی کے منفرد اسٹائل کی ایک اور جھلک نظر آگئی۔
تفصیلات کے مطابق قذافی اسٹیڈیم لاہور میں کھیلے جارہے جے پی ایل کے میچ میں گوجرانوالہ جائنٹس کے اسپنر حسن علی جونئیر نے گوادر شارک کے اہم ترین بیٹر کو کلین بولڈ کردیا۔
مخالف ٹیم کی اہم ترین وکٹ حاصل کرنے کے بعد حسن علی جونئیر نے قومی ٹیم کے فاسٹ بولر اور اپنے ہم نام حسن علی کا منفر انداز اپناتے ہوئے وکٹ حاصل کرنے کی خوشی منائی۔
When you get the main man out. Hassan Ali Jr should be very happy with this one. #Next11 l #PJL I #GGvGS pic.twitter.com/5ZrnWAYDzv
— Pakistan Junior League (@ThePJLofficial) October 12, 2022
پی سی بی کی جانب سے جاری ویڈیو میں دیکھا جاسکتا ہے کہ اسپنر نے مخالف ٹیم کے اہم ترین لیوک مارٹن بینکسٹن کو کلین بولڈ کیا اور حسن علی کے اسٹائل میں وکٹ کا جشن منایا۔
اس موقع پر ساتھی کھلاڑیوں نے بھی بولرز کی خوب حوصلہ افزائی کی، حسن علی جونئیر نے 4 اوورز میں 25 رنز کے عوض 2 وکٹ حاصل کیں۔
