قومی کرکٹ ٹیم کے فاسٹ بالر حسن علی نے اپنی ننھی سی شہزادی ’حیلینا‘ کی مصروفیت کی نئی ویڈیو شیئر کر دی ہے۔
قومی ٹیم کے فاسٹ بولر کی جانب سے سوشل میڈیا اکاؤنٹ انسٹاگرام پر اپنے مداحوں کے ساتھ ایک دل کو چھو لینے والی اسٹوری شیئر کی جس میں اُن کی ننھی سی بیٹی کو اپنے کھلونوں کے ساتھ کھیلتے ہوئے دیکھا جا سکتا ہے۔
حسن علی نے اپنی انسٹاگرام اسٹوری میں بیٹی حیلینا سے محبت کا اظہار کرتے ہوئے لکھا کہ ‘ تمہاری چھوٹی چھوٹی انگلیاں اور پاؤں ہمارے دلوں کو محبت اور خوشیوں سے بھر دیتے ہیں۔‘
- Advertisement -
ساتھ ہی فاسٹ بولر نے مزید لکھا ہے کہ ’وہ اپنی بیٹی کو بہت یاد کر رہے ہیں۔‘
یاد رہے کہ رواں سال ہی حسن علی کے ہاں بیٹی کی پیدائش ہوئی تھی جس کی اطلاع اُنہوں نے سوشل میڈیا پر دی تھی، حسن علی اور اُن کی اہلیہ نے اپنی ننھی پری کا نام ’حیلینا حسن علی‘ رکھا ہے۔
