لاہور: قومی ٹیم کے فاسٹ بولر حسن علی کی اہلیہ سامعہ آرزو نے اپنی ننھی پری کی تصویر شیئر کردی۔
تفصیلات کے مطابق حال ہی میں ننھی پری کے والد بننے والے قومی کرکٹ ٹیم کے فاسٹ بولر حسن علی اور اہلیہ سامعہ آرزو نے بیٹی کا نام رکھ دیا۔
سامعہ آرزو نے تصویر شیئر کرتے ہوئے ننھی پری کو اپنی فیملی میں خوش آمدید کہا۔
فاسٹ بولر کی اہلیہ نے بیٹی کا نام بتاتے ہوئے لکھا کہ ’انہوں نے اپنی ننھی پری کا نام ’ہیلینا حسن علی‘ رکھا ہے۔
View this post on Instagram
سوشل میڈیا پر حسن علی کی بیٹی کی تصویر وائرل ہوگئی اور مداحوں کی جانب سے دونوں کو مبارک باد دینے کا سلسلہ جاری ہے۔
مزید پڑھیں: فاسٹ بولر حسن علی کے گھر ننھی پری کی آمد
واضح رہے کہ 6 اپریل کو حسن علی نے سماجی رابطے کی ویب سائٹ ٹویٹر پر مداحوں کو خوشخبری دی تھی کہ اللہ نے انہیں بیٹی کی رحمت سے نوازا ہے۔
کرکٹر حسن علی 20 اگست 2019 میں بھارتی دوشیزہ سامعہ آرزو سے رشتہ ازدواج میں منسلک ہوئے تھے۔
حسن علی کی اہلیہ سامعہ آرزو کا تعلق بھارتی ریاست ہریانہ سے ہے، انہوں نے مانو رچنا یونیورسٹی سے ایرو ناٹکس کی ڈگری حاصل کر رکھی ہے، وہ متحدہ عرب امارات (یو اے ای) کی ایمریٹس ایئرلائن میں بطور فلائٹ انجینئر خدمات سر انجام دیتی ہیں، سامعہ آرزو متحدہ عرب امارات میں مقیم ہیں۔
