اسرائیلی وزیراعظم نیتن یاہو نے لبنان میں پیجر ڈیوائس حملوں اور حزب اللہ کے سربراہ حسن نصراللہ پر حملے کا اعتراف کر لیا۔
غیرملکی خبر ایجنسی کے مطابق اسرائیلی وزیراعظم نےکابینہ اجلاس کے دوران حملوں کا اعتراف کرتے ہوئے کہا کہ حزب اللہ کی کمیونی کیشن ڈیوائس اور حسن نصراللہ پر حملوں کے پیچھے اسرائیل تھا۔
خبر ایجنسی کا کہنا ہے کہ پہلی بار کسی اسرائیلی عہدیدار نے لبنان میں پیجر حملوں کی ذمہ داری قبول کی ہے۔ رواں سال 17 اور 18 ستمبر کو لبنان میں ہزاروں پیجر ڈیوائسز حملے ہوئے۔ پیجر ڈیوائسز حملوں سےکم ازکم 26 افراد ہلاکا اور 3200 سے زائدزخمی ہوئے تھے۔
- Advertisement -
لبنانی محکمہ صحت کے مطابق اکتوبر 2023 سے اب تک اسرائیلی حملوں میں 3100 سے زائد افرادجاں بحق ہو چکے ہیں جب کہ اسرائیلی حملوں سے 13 ہزار 800 سے زائد افراد زخمی ہوئے۔
