لاہور : پاکستان میں تعینات جرمن سفیر نے کینسر کے عالمی دن کے موقع پر وزیر اعظم عمران خان سمیت کینسر کے خلاف برسر پیکار افراد کو خراج تحیسن پیش کیا۔
تفصیلات کے مطابق دنیا بھر کی طرح پاکستان میں بھی کینسر کا عالمی دن آج منایا جا رہا ہے جس کا مقصد سرطان سے آگاہی اور اس مرض سے بچاؤ کے حوالے سے شعور بیدار کرنا ہے۔
جرمن سفیر مارٹن کوبلر نے کینسر کے عالمی دن کے موقع پر وزیر اعظم پاکستان عمران کی کاوشوں سے تعمیر ہونے والے کینسر اسپتال شوکت خانم کا دورہ کیا اور دورے کی تصاویر ایک تحریر کے ساتھ سماجی رابطے کی ویب سایٹ پر ٹویٹ کیں۔
On this #WorldCancerDay my heart goes to all those who suffer from cancer. Best treatment must be given. vividly remember my visit to @SKMCH. Hats off to all working for the cure of this disease. @ImranKhanPTI pic.twitter.com/WWYkVuyDEy
— Martin Kobler (@KoblerinPAK) February 4, 2019
ٹویٹ میں مارٹن کوبلر نے موذی مرض سے زندگی و موت کی جنگ لڑنے والے افراد سے اظہار ہمدردی کرتے ہوئے کہا تھا کہ ’کینسر کے عالمی دن کے موقع پر میرا دل کینسر کے موذی مرض میں مبتلا افراد کے لیے ڈھڑک رہا ہے‘۔
جرمن سفیر مارٹن کوبلر کا کہنا تھا کہ کینسر میں مبتلا افراد کو لازمی بہترین علاج فراہم کرنا چاہیے۔
جرمن سفیر نے ٹویٹ میں وزیر اعظم عمران خان اور کینسر جیسے موذی مرض کے خلاف کام کرنے والے تمام افراد کو خراج تحسین پیش کرتا ہوں۔
