کراچی: قومی کرکٹ ٹیم کے بولنگ کوچ وقار یونس نے ڈاکٹرز اور پیرا میڈیکل اسٹاف کو خراج تحسین پیش کیا۔
تفصیلات کے مطابق قومی کرکٹ ٹیم کے بولنگ کوچ وقار یونس کا اپنے ویڈیو پیغام میں کہنا ہے کہ پوری قوم کو ڈاکٹرز اور نرسز کی حوصلہ افزائی کرنی چاہئے، ڈاکٹر کو حوصلہ ملے گا تو وہ اس وبا کا ڈٹ کر مقابلہ کریں گے۔
انہوں نے کہا کہ کرونا سے دوسروں کو بچانے کے لیے ڈاکٹرز، نرسرز اور تمام پیرا میڈیکل اسٹاف جو اپنا اپنا کردار ادا کررہا ہے وہ سب ہمارے ہیروز ہیں، ان کی خدمات کو جتنا سراہا جائے وہ کم ہے۔
وقار یونس نے کہا کہ سوشل میڈیا پر کرونا وائرس کے بارے میں آگاہی مہم میں جو لوگ بڑھ چڑھ کر آگے آرہے ہیں ہمیں ان سب کی قدر کرنی چاہئے۔
Hats off 🎩 to all the Doctors and Nurses around the World. We owe you guys BIG time! #ThankYou #COVIDー19 #PleaseStayAtHome pic.twitter.com/OnbOgIlm04
— Waqar Younis (@waqyounis99) March 27, 2020
انہوں نے کہا کہ بہت خوشی ہوتی ہے جب ہر شخص اس حوالے سے کچھ نہ کچھ حصہ ڈالنے کی کوشش کرتا ہے، ہمیں اس وائرس کی صورتحال ہر اول دستے کا کردار ادا کرنے والے لوگوں کو سلام پیش کرنا چاہئے۔
وقار یونس نے کہا کہ جس طرح ہمارے سارے فنکار، سیاست دان، کھلاڑی اور دوسرے لوگ اس وبا کے خاتمے کے لیے اپنا کردار نبھا رہے ہیں، یہ ہمارا ایمان ہے کہ ہم اس وبا سے جلد نجات پالیں گے۔
واضح رہے کہ سڈنی پہنچنے کے بعد وقار یونس ازخود تنہائی میں چلے گئے کیونکہ احتیاطی تدابیر کے طور پر بین الاقوامی سفر کے بعد ازخود تنہائی کو ضروری قرار دیا جاتا ہے۔
دوسری جانب وقار یونس کی اہلیہ فریال وقار ڈاکٹر ہیں اور ان دنوں پیدا ہونے والی صورتحال میں وہ ایمرجنسی ڈیوٹی پر مامور ہیں۔
