بہاولنگر: صوبہ پنجاب کی تحصیل ہارون آباد میں پیپلز پارٹی کے کیمپ پر فائرنگ کے نتیجے میں شوکت بسرا زخمی اور ان سیکریٹری جاں بحق ہوگیا۔
تفصیلات کےمطابق پنجاب کےشہر بہاولنگرکی تحصیل بہاونگر میں پیپلزپارٹی کے کیمپ پر فائرنگ میں رہنما پیپلزپارٹی زخمی جبکہ ان کےسیکریٹری امتیاز جان کی بازی ہارگئے۔
پیپلزپارٹی کےرہنماشوکت بسرا نے مختلف لوگوں کے خلاف جھوٹے مقدمات درج کرانے پرایم این اے اور ایم پی اے کے خلاف گزشتہ روز دھرنا دینے کا اعلان کیا تھا۔
شوکت بسرا نے اپنے اعلان کے مطابق آج دھرنا دیاتومخالفین نے دھرنے کےلیے لگائے گئے کیمپ پر فائرنگ کر دی جس کے نتیجے میں شوکت بسرا زخمی ہو گئے جبکہ ان کا سیکرٹری امتیاز جاں بحق ہوگیا۔
پیپلزپارٹی کے رہنماشوکت بسرا کو فوری طور پراسپتال منتقل کیا گیا جہاں انہیں طبی امداد فراہم کر دی گئی ہے اور ان کی حالت خطرے سے باہرہے۔
پیپلزپارٹی کے شریک چیئرمین آصف علی زرداری کی مذمت
پیپلزپارٹی کےشریک چیئرمین اور سابق صدر آصف علی زرداری نے پیپلزپارٹی کےرہنما شوکت بسرا پرفائرنگ کی شدید الفاظ میں مذمت کی ہےاور مطالبہ کیاہےکہ فائرنگ کرنے والوں کو گرفتارکیاجائے۔
پیپلزپارٹی کے سربراہ بلاول بھٹو زرداری نے شوکت بسراپر حملے کی شدید مذمت کرتے ہوئےاسے کھلی دہشت گردی کہاہے۔
بلاول بھٹوزرداری نےکہاکہ شوکت بسرا عوام اور جمہوریت کے سپاہی ہیں،انہوں نےکہاکہ بزدلانہ حملوں سے پی پی رہنماؤں کو ڈرایا نہیں جا سکتا۔
چیئرمین پیپلزپارٹی بلاول بھٹو زردای نے کہاہےکہ شوکت بسرا پر فائرنگ کرنے والے دہشت گردوں کو فوری گرفتارکرکےسزادی جائے۔
دوسری جانب صوبائی وزیرٹرانسپورٹ سندھ ناصر حسین شاہ نےکہاہےکہ پنجاب حکومت شوکت بسراپرفائرنگ کرنے والے حملہ آوروں کوفوری گرفتار کرے۔
واضح رہےکہ پیپلزپارٹی پنجاب کے سیکریٹری چوہدری منظور نے بھی شوکت بسرا پرفائرنگ کی شدید الفاظ میں مذمت کرتے ہوئے کہاکہ پیپلزپارٹی کے رہنما شوکت بسراجھوٹی ایف آئی آرزکےخلاف ریلی کی قیادت کررہےتھے۔
