آسٹریلیا میں ایک پراسرار گڑیا نے مقامی لوگوں کو خوف میں مبتلا کردیا، لوگوں کا خیال ہےکہ یہ گڑیا بدقسمتی کی علامت ہے اور جو اس کے قریب جاتا ہے وہ اس پر حملہ آور ہوجاتی ہے۔
آسٹریلیا کی ریاست کوئس لینڈ کے قصبے لوسنڈا میں کے ایک جنگل میں جھولے پر بیٹھی ایک گڑیا کوف کی علامت بنی ہوئی ہے، جس کے بارے میں وہاں کے مقامی افراد کا ماننا ہے کہ یہ گڑیا ان کیلئے برائی اور مصیبت لانے کا برا سبب ہے۔
ساحل کے کنارے مینگروز کے جنگل میں ایک جھولے پر پراسرار انداز میں بیٹھی اس گڑیا سے متعلق بہت سی کہانیاں جنم لے چکی ہیں، مقامی لوگ اس وہم اور خوف میں اس حد تک مبتلا ہیں کہ انہیں مکمل یقین ہے کہ جب وہ اسے دیکھتے ہیں تو ان کے ساتھ کوئی نہ کوئی برا واقعہ پیش ٓتا ہے۔
غیر ملکی خبر رساں ادارے کے مطابق ساحل پر مچھلیوں کا شکار کرنے والے ماہی گیروں کا ماننا ہے کہ جھولے پر بیٹھی یہ گڑیا ہمارے لیے برائی لانے کا بڑا سبب ہے کیونکہ جب کوئی اسے دیکھ لیتا ہے تو اس کے ساتھ کوئی نہ کوئی حادثہ ہوجاتا ہے کبھی اس کی کشتی خراب ہوجاتی ہے تو کبھی کسی بڑے نقصان کا سامنا کرنا پڑتا ہے۔
ہینچن بروک کے رکن پارلیمنٹ نک ڈامیٹو نے میڈیا کو بتایا کہ علاقے کا ہر شخص گڑیا کے بارے میں جانتا ہے لیکن انجانے خوف کے باعث کوئی بھی واقعتاً اس کے بارے میں بات نہیں کرنا چاہتا، میکنوں کا کہنا ہے کہ جو اس کے قریب جاتا ہے وہ اس پر حملہ آور ہوجاتی ہے ۔
انہوں نے کہا کہ یہ کوئی نہیں جانتا ہے کہ یہ پراسرار گڑیا کہاں سے آئی ہے یا اسے کس نے اور کب کس طرح اس گھنے جنگل میں درخت کے نیچے جھولے پر بٹھا دیا تاہم علاقے کے مکین جو ساحلی پٹی پر ماہی گیری کرتے ہیں کسی بھی مصیبت سے بچنے کیلئے اس سے بہت محتاط رہتے ہیں۔
نک ڈامیٹو نے کہا کہ میں نے وہاں کے لوگوں سے اس گڑیا سے متعلق کئی کہانیاں سنی ہیں جو کشتی چلانے یا مچھلی پکڑنے کے دوران گڑیا کی بدقسمتی کے سبب ان کے ساتھ پیش آئیں لیکن ان کی ہر بات سے کئی سوالات جنم لیتے ہیں جس کے جوابات کوئی نہیں جانتا۔
تاہم نک ڈیمیٹو نے خبردار کیا کہ اس پراسرار گڑیا کی اصلیت ایک معمہ بن چکی ہے اور اس کی کھوج لگانے والے زیادہ تر لوگ اس کی حقیقت جاننےکرنے کے لئے ‘اپنی کوششوں میں لگے ہوئے ہیں۔