ہونو لولو: امریکی ریاست ہوائی کی عدالت نے ٹرمپ کی سفری پابندیوں کے احکامات کی معطلی میں غیر معینہ مدت تک توسیع کردی۔
امریکی صدر ڈونلڈ ٹرمپ کا سفری پابندیوں کے مکمل نفاذ کا عزم پورا نہ ہوسکا۔ امریکی ریاست ہوائی کی عدالت نے سفری پابندیوں کی معطلی میں توسیع کردی۔
توسیعی حکم نامہ ریاست ہوائی کے وفاقی جج نے جاری کیا۔
مزید پڑھیں: ڈونلڈ ٹرمپ کا سفری پابندی سے متعلق نیا حکم نامہ معطل
یاد رہے کہ صدر ڈونلڈ ٹرمپ نے 7 مسلمان ممالک کے شہریوں کی امریکا آمد پر پابندی عائد کی تھی جس پر امریکا سمیت دنیا بھر میں احتجاج کیا گیا تھا۔
شدید احتجاج پر ڈونلڈ ٹرمپ نے نیا حکم نامہ جاری کیا جس میں عراق کا نام نکال دیا گیا تھا۔
تاہم اس سے قبل ہی نئے حکم نامے کے نفاذ سے ایک گھنٹہ قبل ہوائی کی عدالت نے نئے حکم نامے کو معطل کردیا تھا۔ عدالت نے اب اس معطلی میں توسیع کا حکم نامہ بھی جاری کردیا ہے۔
