حول میں کشمیریوں کے قتل عام کو 34 سال مکمل ہوگئے، قتل عام کے نتیجے میں 72 کشمیری شہید اور 200 سے زائد زخمی ہوئے تھے۔
تفصیلات کے مطابق حول میں کشمیریوں کے قتل عام کو 34 سال مکمل ہوگئے، 21 مئی 1990 کو میر واعظ مولوی فاروق کو شہید کر دیا تھا، میر واعظ مولوی فاروق کو شہید کرنے کی خبر پھیلنے پر ہزاروں لوگ جنازے میں شرکت کے لئے سری نگر کے علاقے حول میں جمع ہوئے۔
اسلامیہ کالج سری نگر پہنچے پر بھارتی سیکیورٹی فورسز نے جنازے پراندھا دھند فائر کھول دیا ، بھارتی فوج نے منصوبہ بندی کے تحت قتل عام سے قبل جنازہ گاہ کے اطراف سڑکیں بندکردی تھیں۔
بھارتی فوج نے میت کو جنازہ گاہ پہنچنے سے روکنے کے لئے کندھا دینے والوں کو بھی نہ بخشا ، قتل عام کے نتیجے میں 72 کشمیری شہید اور 200 سے زائد زخمی ہوئے۔
دسمبر 2017 میں اسٹیٹ ہیومن رائٹس کمیشن نے حول قتل عام میں 15 سکیورٹی فورس کے اہلکاروں کو موردالزام ٹھہرایا، 34 سال گزرنے کے باجود قتلِ عام کے متاثرین انصاف کے منتظر ہیں جنازے پر اندھا دھند فائرنگ بھارتی جمہوریت کے منہ پر طمانچہ ہے۔
