پشاور: حیات آباد کرکٹ اسٹیڈیم پاکستان کرکٹ بورڈ کی تحویل میں دے دیا گیا۔
تفصیلات کے مطابق پاکستان کرکٹ بورڈ اور خیبر پختون خوا حکومت کے درمیان ایک معاہدہ طے پایا ہے جس کے تحت پشاور کے حیات آباد کرکٹ اسٹیڈیم پی سی بی کی تحویل میں چلا گیا۔
سیکریٹری اسپورٹس کا کہنا ہے کہ خیبر پختون خوا حکومت نے ہیلتھ اور ایجوکیشن کے بعد کھیلوں پر توجہ دی ہے، اور صوبے میں اسپورٹس کمپلیکس بنائے جا رہے ہیں۔
- Advertisement -
سیکریٹری کا کہنا تھا کہ حیات آباد کرکٹ اسٹیڈیم تیار ہے، اور ارباب نیاز کرکٹ اسٹیڈیم تکمیل کے قریب ہے، اب حیات آباد گراؤنڈ پاکستان کرکٹ بورڈ کو دیا جا رہا ہے، اسٹیڈیم کے انتظامی اختیارات پی سی بی کے پاس ہوں گے۔
