کراچی : اسسٹنٹ کمشنر جنرل اور ماڈل ہاظم بنگوار کے پڑوسی ملک بھارت میں بھی چرچے ہورہے ہیں، بھارتی یوٹیوبر اور وی لاگرز نے اپنے سوشل میڈیا پوسٹ پر انکی ماڈلنگ کو اپلوڈ کیا۔
کمشنر آفس کے افسر پھر خبروں کی زینت بن گئے، کمشنر آفس میں اسسٹنٹ کمشنر جنرل اور ماڈل ہاظم بنگوار کے پڑوسی ملک بھارت میں بھی چرچے ہورہے ہیں۔
پڑوسی ملک بھارت میں بھی ہاظم بنگوار کے فیشن سینس کی پذیرائی ہوئی، بھارتی سوشل میڈیا پر کراچی کمشنر آفس کے اسسٹنٹ کمشنر کی ایک تقریب کی ویڈیو اپلوڈ کردی گئی۔
بھارتی یوٹیوبر اور وی لاگرز نے اپنے سوشل میڈیا پوسٹ پر انکی ماڈلنگ کو اپلوڈ کیا، جاری ویڈیو پر مداحوں کی جانب نیک خواہشات و تمناؤں کا اظہار کیا گیا۔
خیال رہے ہاظم ماضی میں بھی دنیا بھر کی سوشل میڈیا پر خبروں میں رہے ہیں۔
یاد رہے گذشتہ سال نومبر میں اپنے منفرد اندازِ فیشن کے باعث شہرت رکھنے والے اسسٹنٹ کمشنر کی تبدیلی کا نوٹیفکیشن معطل کردیا گیا تھا۔
اسسٹنٹ کمشنر ہاظم بنگوار کو کمشنر آفس کی رہائش گاہ افسران سے خالی کرانے پر گزشتہ ماہ کے آخر میں معطل کرکے سروسز اینڈ جنرل ایڈمنسٹریشن رپورٹ کرنے کی ہدایت کی گئی تھی۔
