دو سال قبل ایڈلیڈ میں ہونے والے پنک بال ٹیسٹ میں بھارت کو کس طرح صرف 36 رنز پر آؤٹ کیا تھا، اس حوالے سے جوش ہیزل ووڈ نے لب کشائی کی ہے۔
دوسرے ٹیسٹ سے قبل ہیزل ووڈ کا کہنا تھا کہ اس پنک بال ٹیسٹ میں بھارتی بیٹرز پر دباؤ ڈالنے کے لیے پچ پر درست ایریاز پر بال اور اسکے علاوہ میں نے کچھ بھی اتنا خاص نہیں کیا تھا، مجھے یاد ہے کہ بھارتی بیٹرز ہر گیند کو اچھال رہے تھے۔
ہیزل ووڈ نے پوری بھارتی ٹیم کے 36 رنز پر آؤٹ ہونے کے حوالے سے مزید کہا کہ میں نے بولنگ کے لیے واقعی کوئی خاص منصوبہ بندی نہیں کی تھی۔ میں صرف لینتھ پر بولنگ کررہا تھا۔
ہم نے اس ٹیسٹ میں اچھی شروعات کی تھی، ایک موقع پر بھارت کے 15 رنز پر 3 وکٹیں گری ہوئی تھیں، ہم نے انھیں دباؤ میں لانے کی اچھی کوشش کی۔
خیال رہے کہ 2022 میں ایڈیلیڈ میں پنک بال ٹیسٹ میزبان آسٹریلیا نے بھارت کو صرف 36 رنز پر آؤٹ کیا تھا، جوش ہیزل ووڈ نے اس میچ می 5 وکٹیں حاصل کرتے ہوئے بھارت کی کمر توڑ دی تھی، آسٹریلیا نے مذکورہ میچ 8 وکٹوں سے جیتا تھا۔
