افغانستان کرکٹ ٹیم کے آل راؤنڈر کریم جنت نے کہا ہے کہ اوپنر حضرت اللہ زازئی کی بیٹی انتقال کرگئیں۔
آل راؤنڈر کریم جنت نے فوٹو اینڈ شیئرنگ ایپ انسٹاگرام پر ایک پوسٹ شیئر کرتے ہوئے مداحوں کو اس افسوسناک خبر سے متعلق آگاہ کیا ہے۔
View this post on Instagram
افغان کرکٹر کریم جنت نے اپنی پوسٹ میں حضرت اللہ کی نومولود بیٹی کی تصویر کی اور اس مشکل گھڑی میں حضرت اللہ زازئی اور ان کے اہل خانہ سے گہرے دکھ اور تعزیت کا اظہار کیا۔
افغان کرکٹر کریم جنت نے پوسٹ میں لکھا کہ مجھے آپ سب کو یہ بتاتے ہوئے انتہائی دکھ ہو رہا ہے کہ میرے قریبی بھائی جیسے دوست حضرت اللہ کی بیٹی انتقال کرگئی ہے۔
حضرت اللہ زازی کی پاور ہٹنگ کا راز افشا
حضرت اللہ زازئی کی بیٹی کے انتقال پر کرکٹ کمیونٹی سمیت مداحوں کی جانب سے بھی گہرے دکھ اور تعزیت کا اظہار کیا جارہا ہے۔
واضح رہے کہ حضرت اللہ زازئی نے 2016 میں یو اے ای کے خلاف ون ڈے میچ سےانٹرنیشنل کیرئیر کا آغاز کیا تھا، وہ اب تک 16 ون ڈے اور 45 ٹی 20 میچز کھیل چکے ہیں ٓجبکہ وہ پی ایس ایل کا حصہ بھی رہ چکے ہیں۔
