ملتان : لاہور قلندر کے کپتان شاہین شاہ آفریدی نے کہا ہے کہ ٹاپ آرڈرز کو جلد آؤٹ کرنے کی کوشش کریں گے، کسی بھی ٹیم کو معمولی نہیں کہہ سکتے۔

یہ بات انہوں نے ملتان میں میڈیا سے گفتگو کرتے ہوئے کہی، انہوں نے کہا کہ پی ایس ایل کا نیا سیزن ہے، لوگوں نے ہمیشہ سپورٹ کیا ہے۔

امید ہے ملتان کے لوگ دونوں ٹیموں کو سپورٹ کریں گے، میرا مقصد اچھی کرکٹ کھیلنا ہے، کوشش ہے کہ اپنی ٹیم کو اچھی پرفارمنس دوں۔

شاہین آفریدی کا کہنا تھا کہ انجری تو کھیل کا حصہ ہے، جب بھی کھیلوں فخر کے ساتھ کھیلوں گا، ملتان کی پچ ابھی دیکھی نہیں ہے،2دن تک تو پچ کا پتہ نہیں چلتا۔

شاہین شاہ آفریدیان کا کہنا تھا کہ امید ہے کہ پچ اچھی ہی ہوگی، ملتان کے ٹاپ آرڈرز کو جلد آؤٹ کرنے کی کوشش کریں گے۔

ایک سوال کے جواب میں لاہور قلندر کے کپتان نے کہا کہ پی ایس ایل کی ساری ٹیمیں اچھی ہیں، آپ کسی بھی ٹیم کو معمولی نہیں کہہ سکتے۔ لاہور قلندر کے کافی جگہوں پر سپورٹرز ہیں۔