The news is by your side.

Advertisement

ہیڈ کوچ پروٹیز کے خلاف سیریز جیتنے کے لئے پرعزم

سنچورین: ہیڈ کوچ قومی کرکٹ ٹیم مصباح الحق نے جنوبی افریقا کی باؤنسی پچز پر فخر زمان کی جانب سے سنچری کرنا خوش آئند ہے، مڈل آرڈر بیٹنگ میں بہتری کی ضرورت ہے۔

تفصیلات کے مطابق سنچورین میں ویڈیو گفتگو کرتے ہوئے ہیڈ کوچ پاکستان کرکٹ ٹیم مصباح الحق نے کہا کہ گزشتہ میچ میں شکست کے باوجود ٹیم کا مورال بلند ہے اور لڑکے سیریز جیتنے کے لیے پرامید ہیں۔

مصباح الحق نے کہا کہ نوجوان کھلاڑیوں پر مشتمل ٹیم کے لیے ہر جیت بہت اہم ہے، اور فیصلہ کن ون ڈے سیریز میں لڑکے کم بیک کرنے کے لئے پر عزم ہیں۔

ہیڈ کوچ پاکستان کرکٹ ٹیم نے کہا کہ باؤنسی پچز پر ٹاپ آرڈر بیٹسمین کاسنچری کرنا خوش آئند ہے کیونکہ سنچورین اور وانڈررز کی پچز جنوبی افریقی کنڈیشنز کی حقیقی ترجمان ہیں، مڈل آرڈر بیٹنگ میں بہتری کی ضرورت ہے۔

مصباح الحق نے ویڈیو گفتگو میں اس عزم کا اظہار کیا کہ یقین ہے باؤلرز تیسرے ون ڈے میں بہترین کم بیک کریں گے، شاداب خان کی انجری سے متعلق ہیڈ کوچ کا کہنا تھا کہ شاداب خان کے متبادل سمیت ٹیم میں جو تبدیلی ضروری ہوئی کریں گے۔

واضح رہے کہ پاکستان اور جنوبی افریقہ کے درمیان ون ڈے سیریز کا تیسرا اور فیصلہ کن میچ کل سنچورین میں ہوگا، پاکستان کے پاس آٹھ سال بعد پروٹیز کے خلاف سیریز جیتنے کا سنہری موقع ہے۔

Comments

یہ بھی پڑھیں