The news is by your side.

Advertisement

وزیر صحت سندھ کا کورونا کی نئی قسم ‘اومی کرون’ سے متعلق بڑا انکشاف

کراچی : وزیر صحت سندھ عذراپیچوہو کا کہنا ہے کہ کورونا کی نئی قسم کے حوالے سے حفاظتی اقدامات شروع کردیے ، دو ویکسین ڈوز لگوانے والوں پر اومی کرون کا اثر کم ہوگا۔

تفصیلات کے مطابق وزیر صحت سندھ عذراپیچوہو کی جانب سے بیان میں کہا گیا ہے کہ روبیلا خسرہ مہم کے دوران سندھ میں 110 فیصد اہداف حاصل کیے، جنوری 2022 سے مہم روٹین بنیادوں پر جاری رہیں گی۔

وزیرصحت سندھ کا کہنا تھا کہ کورونا کی نئی قسم کے حوالے سے حفاظتی اقدامات شروع کردیے، ڈبلیو ایچ او کے مطابق اومی کرون سے متعلق صورتحال واضح نہیں ، دو ویکسین ڈوز لگوانے والوں پر اومی کرون کا اثر کم ہوگا۔

عذراپیچوہو نے کہا کہ سندھ کے شہریوں سے گزارش ہے ویکسی نیشن کا عمل مکمل کرالیں، ویکسینیٹرز کی بلیک میلنگ میں نہیں آئیں گے، جب مہمات شروع ہوتی ہیں تو یہ مطالبات لے آتے ہیں، جائز مطالبات مان چکے ہیں مزید جائز مطالبات پر بھی غور کریں گے۔

میڈیکل طالبہ کی موت کے حوالے سے ان کا مزید کہنا تھا کہ چانڈکا میڈیکل کالج کیس کوباریک بینی سے دیکھا جارہا ہے۔

Comments

یہ بھی پڑھیں