ریاض: سعودی وزارت صحت نے اعلان کیا ہے کہ مملکت میں 98 فیصد ہیلتھ کیئر ورکرز کی کوروناویکسینیشن مکمل ہوچکی ہے۔
عرب میڈیا کی رپورٹ کے مطابق وزارت صحت کا کہنا ہے کہ سعودی عرب میں کورناویکسین لگانے کا سلسلہ جاری ہے جبکہ 98 فیصد طبی عملے کی ویکسینیشن کرلی گئی ہے۔
مملکت کے مختلف ویکسینیشن سینٹرز سے اٹھانوے فیصد ہیلتھ کیئرورکرز نے ویکسین لگوائی ہے۔
سعودی وزارت صحت کا کہنا ہے کہ طبی ورکرز کی ویکسینیشن کی تکمیل کورونا کے خلاف وزارت کے مؤثر اقدامات کی عکاسی ہے، صحت کے نظام کو مزید مضبوط بنانا مشن کا حصہ ہے۔
وزارت کی جانب سے جاری بیان میں یہ بھی کہا گیا ہے کہ محکمہ صحت سے تعلق رکھنے والے طبی عملے کی ویکسینیشن بھی 82 فیصد تک ہوچکی ہے۔
خیال رہے کہ سعودی عرب میں 590 کوروناویکسینیشن سینٹرز قائم کیے گئے ہیں جہاں سے مجموعی طور پر 14 ملین افراد نے ویکسین لگوالی ہے۔
مملکت میں کورونا ایس او پیز پر بھی سخت سے عمل درآمد کروایا جارہا ہے۔
