لاہور : پنجاب میں ہیلتھ پروفیشنلز کورونا ویکسین لگوانے میں خوف و ہراس کا شکار ہیں جبکہ ہیلتھ پروفیشنلز کی رجسٹریشن کروانے کے باوجود کوڈ جاری نہ ہوسکے۔
تفصیلات کے مطابق پنجاب میں ہیلتھ پروفیشنلز کو کرونا ویکسین لگانے کا عمل سست روی کا شکار ہے اور ہیلتھ پروفیشنلز کورونا ویکسین لگوانے میں خوف و ہراس کا شکار بھی ہیں۔
دوسرے صوبوں کی نسبت پنجاب میں ہیلتھ پروفیشنلز ز ویکسین لگوانے میں سب سے پیچھے ہیں جبکہ محکمہ صحت کا آن لائن سسٹم بھی غیر فعال ہیں، جس کے باعث ہیلتھ پروفیشنلز کی رجسٹریشن کروانے کے باوجود کوڈ جاری نہ ہوسکے۔
محکمہ صحت پنجاب کا کہنا ہے کہ جب تک ہیلتھ پروفیشنلز کو ویری فیکیشن کوڈ جاری نہیں ہوگا ویکسین نہیں لگے گی، ہیلتھ پروفیشنلز کی بڑی تعداد تاحال کوڈ نہ ملنے کی وجہ سے ویکسینیشن سے محروم ہیں۔
محکمہ صحت کی پورٹل ڈاکٹرز کو ڈاکٹرز ماننے انکاری ہے ، ویکسین کیلئے اکثر ڈاکٹرز کو پورٹل پر غیر ڈاکٹرز ہونے کی میسج آنے لگے۔
محکمہ صحت کی رجسٹریشن پورٹل ڈاکٹرز کی درد سر بن گئی ہے ، ڈاکٹر اویس سروسز اسپتال کا کہنا ہے کہ میں نے میسج کیا تو مجھے نان ڈاکٹر کا میسج آ گیا۔
