سعودی عرب کے مشرقی ریجن میں رہائش پذیر 80 سالہ معمر سعودی شہری نے اپنی صحت کا راز بتادیا۔
بین الاقوامی خبر رساں ادارے کی رپورٹ کے مطابق سعودی شہری کا اس حوالے سے کہنا تھا کہ ’میری صحت کا راز کھلی ہوا اور اونٹی کا دودھ پینا ہے۔‘
رپورٹ کے مطابق معمر شہری نے مزید بتایا کہ ان کے والدین بھی حیات ہیں۔ والد کی عمر اس وقت 132 برس کے قریب ہے جبکہ دیگر بھائی بہن بھی انتہائی سادہ اصولوں پر اپنی زندگی بسر کررہے ہیں۔
سعودی شہری کا کہنا تھا کہ ہمارے ہاں کسی قسم کی مصنوعی خوراک کا استعمال نہیں کیا جاتا جبکہ فاسٹ فوڈ اور ہوٹلوں کے کھانوں سے مکمل اجتناب برتا جاتا ہے۔
سعودی عرب کے معمر شہری نے اپنے ویڈیو پیغام میں نوجوانوں کو نصیحت کی کہ وہ فاسٹ فوڈ اور سافٹ ڈرنکس سے دور رہیں تاکہ صحت مندانہ زندگی سے لطف اندوز ہوسکیں۔
موٹاپے اور ذیابیطس جیسے دائمی امراض سے بچنے کا آسان طریقہ؟
معمر شہری نے مزید بتایا کہ ان کے والدین اور گھر کے کسی فرد کو نہ تو شوگر ہے اور نہ ہی وہ بلڈ پریشر کے مرض میں مبتلا ہیں۔کھلی ہوا میں پیدل چلنا او اونٹی کا دودھ، شہد اور دیسی گھی کا استعمال روز مرہ کا معمول ہے۔
