جنیوا: عالمی ادارہ صحت کے سربراہ ڈاکٹر ٹیڈروس کا کہنا ہے کہ کرونا سے نمٹنے کے لیے طبی عملے کو ترجیحی بنیاد پر حفاظتی سامان دیا جائے۔
تفصیلات کے مطابق سماجی رابطے کی ویب سائٹ ٹویٹر پر عالمی ادارہ صحت کے سربراہ ڈاکٹر ٹیڈروس نے اپنے پیغام میں کہا کہ کرونا سے نمٹنے کے لیے ہیلتھ ورکرز کو زیادہ خطرات لاحق ہیں۔
عالمی ادارہ صحت کے سربراہ نے کہا کہ اس وبا سے نمٹنے کے لیے ان کی ضروریات بھی انتہائی ضروری ہیں،فرنٹ لائن پر کام کرنے والوں کے لیے حفاظتی سامان ترجیح ہونی چاہیے۔
#HealthWorkers are in greatest need and are at great risk, when it comes to #COVID19. Medical masks, respirators, and personal protective equipment should be prioritized for health staff working on the frontlines to care for people affected by #coronavirus. https://t.co/S1djbLPW1a
— Tedros Adhanom Ghebreyesus (@DrTedros) April 5, 2020
ڈاکٹر ٹیڈروس نے اپنے پیغام میں کہا کہ ہر جگہ لوگ کرونا وبا کی وجہ سے غیر معمولی رکاوٹوں کا سامنا کر رہے ہیں،متحد ہو کر مستند اقدامات اٹھائیں تو وبا کو تیزی سے ختم کرسکتے ہیں،ان اقدامات سے مزید ہم آہنگی بھی پیدا کرسکتے ہیں۔
خیال رہے کہ دو روز قبل عالمی ادارہ صحت کا کہنا تھا کہ کرونا وائرس سے متاثرہ افراد کی تدفین میں احتیاط انتہائی ضروری ہے، خاندان کے افراد اور دوست ایک میٹر کے فاصلے سے جنازے کو دیکھ سکتے ہیں، جنازہ دیکھنے کے بعد اپنے ہاتھوں کو اچھی طرح صابن سے دھوئیں۔
عالمی ادارہ صحت کی جاری کی گئی ہدایت کے مطابق اس بات کو یقینی بنائیں کہ خاندان کے افراد ہر ممکن حد تک میت سے دور رہیں، بچے، 60 سال کی عمر کے افراد کو تدفین میں شرکت نہیں کرنی چاہیے۔