پنڈی بھٹیاں : سفاک باپ نے 2 سالہ بچے کو زمین پر پٹخ کرقتل کردیا، پولیس نے ملزم کو گرفتار کرلیا ہے۔
تفصیلات کے مطابق صوبہ پنجاب کے شہر پنڈی بھٹیاں میں افسوسناک واقعہ پیش آیا ، جہاں باپ نے 2سالہ بچے کو زمین پر پٹخ دیا ، پٹخنے سے دوسالہ معصوم بچہ موقع پر دم توڑ گیا۔
جلالپور بھٹیاں پولیس نے ملزم کو گرفتار کرلیا ہے ، خاندانی ذرائع کا کہنا ہے کہ شوہر کو بیوی کے حق میں عدالتی فیصلہ ہونے کا رنج تھا۔
یاد رہے چند ماہ قبل راولپنڈی میں سفاک باپ نے گھریلو ناچاقی پر تین سالہ بچی کو گلا دبا کر قتل کردیا تھا۔
پولیس کے مطابق سفاک باپ نے اپنی دیگر دو کم سن بیٹیوں کو بھی مارنے کی کوشش کی، مقتولہ بچی کی والدہ کے مطابق بچی کو اس کے والد نے ہی قتل کیا ہے، واقعے کا مقدمہ تھانہ نصیر آباد میں درج کرلیا گیا تھا۔
