کراچی : محکمہ موسمیات نے گرمی سے پریشان کراچی والوں کو خوشخبری سنادی اور کہا درجہ حرارت 37 سے 40 ڈگری سینٹی گریڈ رہنے کا امکان ہے۔
تفصیلات کے مطابق محکمہ موسمیات نے کراچی کے موسم کی صورتحال بتاتے ہوئے کہا کہ کراچی میں آج بھی موسم گرم اور خشک رہے گا، آج بھی پار ہ 40 ڈگری سینٹی گریڈ تک جانے کا امکان ہے۔
محکمہ موسمیات نے کل سےگرمی کی شدت میں کمی ہونےکاامکان ظاہر کرتے ہوئے کہا کہ زیادہ سےزیادہ درجہ حرارت37سے40ڈگری سینٹی گریڈرہنےکاامکان ہے۔
دوسری جانب ملک کےبیشترعلاقوں میں موسم خشک رہے گا، اسلام آباد اور گردونواح میں موسم خشک رہنے کا امکان ہے۔
محکمہ موسمیات کا کہنا تھا کہ پنجاب کےوسطی اورجنوبی اضلاع اور خیبرپختونخوا کے جنوبی اضلاع میں بعد از دوپہر تیز/گردآلودہوائیں چلنے کا امکان ہے۔
سندھ کے بیشتر اضلاع میں موسم گرم اورخشک رہےگا جبکہ سندھ کےبالائی اضلاع میں بعدازدوپہرتیز /گردآلود ہوائیں چلنے کا امکان ہے۔
