The news is by your side.

Advertisement

ہیٹ ویو کا خطرہ، کراچی کے سرکاری اسپتالوں میں ایمرجنسی نافذ

کراچی: محکمہ موسمیات کی جانب سے ہیٹ ویو کی پیش گوئی کے بعد شہر بھر کے اسپتالوں میں ایمرجنسی نافذ کردی گئی۔

ڈائریکٹر جنرل ہیلتھ مسعود سولنگی نے ہدایت کی ہے کہ کل سے 24 ستمبر تک گرمی بڑھنے اور ہیٹ ویو کا خدشہ ہے، کسی بھی ہنگامی صورتحال سے نمٹنے کے لیے ڈاکٹرز اور پیرا میڈیکل اسٹاف اپنی حاضری کو یقینی بنائیں۔

انہوں نے تمام اسپتالوں کو ادویات کی فراہمی یقینی بنانے اور خصوصی انتظامات کرنے کی بھی ہدایت کی۔

دوسری جانب چیف سیکریٹری سندھ ممتاز علی شاہ نے ایک نوٹی فکیشن جار یکیا جس میں بتایا گیا ہے کہ محکمہ صحت میں زیر تریبت یا تین سال سے کم عرصے والے پوسٹ گریجویٹ عملے کی چھٹیاں بھی تاحکم ثانی منسوخ کردی گئیں ہیں۔

محکمہ موسمیات نے کراچی والوں کیلئے خطرے کی گھنٹی بجادی اور بتایا ہے کہ اگلے سے ہیٹ ویو کا آغاز ہوگا،  پیر سے جمعرات تک درجہ حرارت 40 ڈگری تک جانے کا امکان ہے جبکہ سمندری ہوائیں بھی تھم جائیں گی۔

محمکہ موسمیات کے مطابق بحیرہ عرب میں بننے والا ہوا کا کم دباؤ ہیٹ ویو کا سبب بنے گا، کراچی میں گرمی بڑھے گی تو دیگر بالائی علاقوں میں ہلکی بارش کا امکان بھی ہے۔

ماہرین طب کا مشورہ

طبی ماہرین نے لوگوں کو بڑھتی ہوئی گرمی کے پیش نظر پانی کے زیادہ سے زیادہ استعمال، دھوپ میں گھر یا دفاتر سے باہر نکلنے سے گریزاور اگر بحالت مجبوری نکلنا بھی پڑے تو سر کو ڈھانپ کر نکلنے کا مشورہ دیا ہے۔

Comments

comments

یہ بھی پڑھیں