زمبابوے کرکٹ ٹیم کے سابق کپتان ہیتھ اسٹریک کی موت کی خبر جعلی نکلی، ساتھی کھلاڑی ہنری اولنگا نے کہا کہ اسٹریک زندہ ہے۔
غیر ملکی میڈیا رپورٹس کے مطابق چند گھنٹے قبل ہیتھ اسٹریک کی موت کی خبر نے شائقین کرکٹ کو افسردہ کردیا تھا تاہم ان کے ساتھی کھلاڑی سابق فاسٹ بولر ہنری اولنگا نے ایکس پر جاری پیغام میں دعویٰ کیا کہ اسٹریک زندہ ہے، اس کی موت کی خبر ایک افواہ ہے۔
زمبابوے کے سابق کپتان ہیتھ اسٹریک کے زندہ ہونے کی خبر پوسٹ کرنے کے بعد اولنگا نے اپنا پہلا ٹویٹ حذف کر دیا جس میں انہوں نے اسٹریک کے انتقال کی خبر شیئر کی تھی۔
زمبابوے کے سابق کپتان ہیتھ اسٹریک کینسر میں مبتلا، حالت تشویشناک
ہنری اولنگا نے اپنے سوشل میڈیا پر ہیتھ اسٹریک کو زمبابوے کا گریٹ آل راؤنڈر قرار دیتے ہوئے تھا کہا مجھے فخر ہے کہ میں نے ان کے ساتھ کھیلا۔
I can confirm that rumours of the demise of Heath Streak have been greatly exaggerated. I just heard from him. The third umpire has called him back. He is very much alive folks. pic.twitter.com/LQs6bcjWSB
— Henry Olonga (@henryolonga) August 23, 2023
تاہم اب سابق فاسٹ بولر ہنری اولنگا نے کہا کہ میں اس بات کی تصدیق کرسکتا ہوں کہ ہیتھ اسٹریک کے انتقال کی افواہوں کو بہت بڑھا چڑھا کر پیش کیا گیا ہے، تھرڈ امپائر نے انہیں واپس بلایا ہے۔ وہ زندہ ہے۔
زمبابوے کے سابق کپتان ہیتھ اسٹریک کینسر میں مبتلا ہیں رواں برس مئی میں سابق کھلاڑی کو کینسر کی تشخیص ہوئی تھی۔
ہیتھ اسٹریک 100 وکٹیں لینے والے زمبابوے کے پہلے بولر ہیں، انہوں نے 65 ٹیسٹ اور 189 ون ڈے میچز کھیلے۔
ہیتھ اسٹریک نے 2000 سے 2004 تک زمبابوے ٹیم کی قیادت کی، انہوں نے 445 انٹرنیشنل وکٹیں حاصل کیں اور 4933 رنز بنائے۔
