The news is by your side.

Advertisement

ہیوی بائیک پر کرتب دکھانے والی بلیک بیلٹ حمیرا صدیق

آپ نے اکثر اوقات سڑکوں پر کچھ منچلے لڑکوں کو موٹر سائیکل پر کرتب دکھاتے ہوئے تو ضرور دیکھا ہوگا جو بغیر کسی احتیاطی تدابیر اور حفاظتی لباس کے بغیر خطرناک انداز میں موٹر سائیکل چلاتے ہیں۔

ایک ایسی ہی ہیوی بائیک رائیڈر لاہور سے تعلق رکھنے والی حمیرا صدیق بھی ہیں جو مارشل آرٹ کی ماہر ہونے کے ساتھ ساتھ ہیوی بائیک چلانے پر مکمل عبور رکھتی ہیں۔

مارشل آرٹ کی ماہر اور ہیوی بائیک پر اسٹنٹ کرتی کراٹے بلیک بیلٹ لڑکی کو جب آپ ہیوی بائیک پر کرتب ہوئے دیکھیں گے تو دیکھتے رہ جائیں گے۔ لاہورکی یہ لڑکی ہیوی بائیک پر پاکستان ٹوور پر جانے کی تیاریوں میں مصروف ہے۔

اس سلسلے میں اے آر وائی نیوز کے پروگرام "باخبر سویرا” میں بلیک بیلٹ حمیرا صدیق نے بحیثیت مہمان خصوصی شرکت کی اور اپنی جدوجہد کے بارے میں ناظرین کو آگاہ کیا۔

انہوں نے بتایا کہ مجھے کراٹے اور بائیک چلانے کا بچپن سے شوق ہے اور والدین نے میرے اس شوق کو پوار کیا، مجھے ان کا مکمل تعاون حاصل ہے۔

حمیرا صدیق نے بتایا کہ ہیوی بائیک پر اسٹنٹ کسی رش والی جگہ پر نہیں کرتی جس سڑک پر ٹریفک یا لوگ موجود نہ ہوں وہاں اپنا شوق پرو کرتی ہوں، مجے یہ شوق یوٹیوب پر ویڈیوز دیکھ کر ہوا ۔

Comments

یہ بھی پڑھیں