لاہور: پنجاب کے مختلف علاقوں میں شدید دھند کے باعث موٹر وے کو متعدد مقامات پر آمدورفت کے لئے بند کردیا گیا ہے۔
اے آر وائی نیوزکے مطابق موٹروے ایم 2 لاہور سے کوٹ مومن تک دھند کی وجہ سے بند ہے جبکہ موٹروے ایم 3 شدید دھند کے باعث ٹریفک کیلئے بند کردی گئی ہے۔
ترجمان موٹروے پولیس کے مطابق موٹروے ایم 4 فیصل آبادسے پنڈی بھٹیاں تک بند ہے جبکہ لاہور سیالکوٹ موٹروے کو دھند کی وجہ سے بندکر دیا گیا۔
اس کے علاوہ موٹروے ایم 5 شیرشاہ سے اوچ شریف تک دھندکی وجہ سے بند کردی گئی ہے۔ چونیاں شہر اور گردونواح میں شدید دھند ہے جبکہ حدنگاہ انتہائی کم رہ گئی۔
ترجمان موٹروے پولیس کے مطابق موٹروے بند کرنے کا مقصد حادثات سے بچاؤ اور موٹروے استعمال کرنے والوں کے جان و مال کا تحفظ ہے، شہریوں سے درخواست ہے کہ دھند کہ اوقات میں غیر ضروری سفر سے گریز کریں۔
اپنا سفر دن کی روشنی میں مکمل کر کے دھند کے آغاز سے پہلے اپنے منزل مقصود تک پہنچ جائیں – گاڑیوں میں فوگ لائٹس کا استعمال کریں، تیز رفتاری سے گریز کریں اور اگلی گاڑی سے مناسب فاصلہ معمول سے زیادہ رکھیں۔
سوئی گیس کے گھریلو صارفین کیلئے بُری خبر، نئے نرخ نافذ
ترجمان موٹروے پولیس نے کہا کہ سفر شروع کرنے سے پہلے موٹروے پولیس ہیلپ لائن 130 یا نیشنل ہائی ویز اینڈ موٹروے پولیس کے آفیشل سوشل میڈیا اکاؤنٹ سے بھی تازہ ترین معلومات ضرور حاصل کر لیں۔
