The news is by your side.

سعودی عرب میں بارشوں کا 25 سالہ ریکارڈ ٹوٹ گیا

ریاض : سعودی عرب میں بارشوں کا پچیس سالہ ریکارڈ ٹوٹ گیا، ہلاکتوں کی تعداد تک تیس تک پہنچ گئی ہے جبکہ محکمہ موسمیات نے آئندہ دو دنوں تک مزید بارشوں کی پیش گوئی کی ہے۔

عرب میڈیا رپورٹس کے مطابق سعودی عرب کے مختلف شہروں میں گزشتہ تین روز سے شدید بارشوں کا سلسلہ جاری ہے، جس کے نتیجے میں اہم شاہراہیں، انڈر پاس، پبلک مقامات سمیت کئی جگہیں زیر آب آگئی ہیں۔

سعودی عرب کے دارالحکومت ریاض اورجدہ میں طوفانی بارشوں سے سیلابی پانی گھروں اور عمارتوں میں داخل ہوگیا اور سیکڑوں گاڑیاں سیلابی ریلے میں بہہ گئیں۔

محکمہ موسمیات نے آئندہ دو دنوں تک مزید بارشوں کی پیش گوئی کی ہے۔

خیال رہے کہ گذشتہ سال نومبر میں سعودی عرب کے مختلف علاقوں میں شدید بارشوں کے باعث نظام زندگی معطل ہوگئی تھی، موسلا دھار بارشوں کے باعث سڑکیں اور انڈر پاسز زیر آب آگئیں تھیں۔

دوسری جانب کویت اردن میں طوفانی بارشوں اور سیلاب نے تباہی مچادی، نظام زندگی مفلوج ہوکر رہ گیا ہے اور کئی گھر اور نشیبی علاقے زیر آب آگئے ہیں، اردن میں سیلاب کے باعث مختلف حادثات میں بارہ افراد لقمہ اجل بن گئے جبکہ دو ہفتوں سے جاری بارشوں سے درجنوں افراد لاپتہ ہوگئے ہیں۔

Comments

یہ بھی پڑھیں