تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

برازیل میں بارشوں اور سیلاب سے تباہی، 57 ہلاکتیں

ریو ڈی جنیرو: برازیل میں شدید بارشوں نے تباہی مچادی، لینڈ سلائیڈنگ کے باعث چھپن سے زائد افراد موت کے منہ میں چلے گئے۔

غیر ملکی میڈیا رپورٹ کے مطابق برازیل کے شہری محکمہ دفاع نے بتایا کہ شمال مشرقی صوبہ پرنامبوکو کا دارالحکومت ریکیفی شہر بارشوں سے سب سے زیادہ متاثر ہوا ہے، جہاں پینتیس سے زائد افراد ہلاک جبکہ پچیس کے قریب زخمی ہوئے۔

لینڈ سلائینڈنگ کے نتیجے میں کم وبیش چار ہزار افراد بے گھر ہوئے جنہیں محفوظ مقامات پر کیا جاچکا ہے۔

یہ بھی پڑھیں: برازیل میں طوفانی بارشیں : 100افراد زندہ درگور

میڈیا رپورٹ کے مطابق رسیفی میں مٹی کے تودے گرنے سے 20 افراد ہلاک ہوئے جب کہ قریبی قصبے کماراجیبی میں بھی مٹی کے تودے نے چھ زندگیوں کا خاتمہ کیا۔

پرنامبوکو واٹر اینڈ کلائمٹ ایجنسی کے مطابق اب تک رسیفی میں 150 ملی میٹر اور کماراجیبی میں 129 ملی میٹر بارش ریکارڈ کی جاچکی ہے۔

حکام کا کہنا ہے کہ گزشتہ روز ہونے والی بارش پچھلے پانچ مہینے میں ہونے والا چوتھا واقعہ ہے جس سے سیلابی صورتحال پیدا ہوئی، اس سے قبل دسمبر کے آخر اور جنوری کے اوائل میں ریاست باہیا میں شدید بارشوں سے درجنوں افراد ہلاک اور ہزاروں بےگھر ہوئے تھے۔

رواں سال فروری میں ریو ڈی جینیرو میں طوفانی بارش نے 230 افراد کی زندگیوں کا چراغ گل کردیا تھا۔

Comments

- Advertisement -