برطانیہ میں 9 سال کے بعد شدید برفباری سے پورا ملک برف سے ڈھک گیا جس کے باعث مواصلاتی نظام بُری طرح متاثر ہوگیا۔
غیر ملکی میڈیا رپورٹس کے مطابق برطانیہ میں شدید برفباری سے اسکالینڈ کے علاقے ابیرڈین شائر میں درجہ حرارت منفی 15 تک گرگیا اس کے علاوہ ویلز میں درجہ حرارت منفی 8 ریکارڈ کیا گیا ہے۔
شدید سردی اور برفباری کے باعث جھیلیں، نہریں اور دریا جم گئے جبکہ برف باری کے باعث سڑکوں پر ٹریفک کی روانی بھی متاثر ہوگئی ہے۔
برطانوی میڈیا کے مطابق برفباری کے باعث سڑکوں پر پھسلن کے سبب حادثات ہوئے جبکہ ٹرین سروس بھی متاثر ہوئی۔اس کے علاوہ ڈیڑھ سو پروازیں منسوخ ہوگئیں اور کارنوال سے اسکاٹش ہائی لینڈز تک اسکول بند کردیے گئے۔
برفانی صورتحال کے پیشِ نظر اسٹینسٹڈ اور گیٹ وِک ہوائی اڈوں کو پروازوں کے لیے بند کر دیا گیا جبکہ کارن ویل سے لے کر اسکاٹش ہائی لینڈز تک تمام اسکولز بند کر دئے گئے۔
دوسری جانب گزشتہ روز برمنگھم کی برفیلی جھیل میں گرنے والے تین بچے ہلاک ہو گئے تاہم ایک بچے کی حالت تشویش ناک بتائی جا رہی ہے۔
ملک بھر کا فضائی نظارہ اسنو لینڈ کا منظر پیش کر رہا ہے، موٹروے پولیس نے درجنوں ٹریفک حادثات کے باعث عوام کو گھروں میں رہنے کی ہدایت کر دی گئی۔
واضح رہے کہ مارچ دوہزار تیرہ کے بعد سے برطانیہ میں ہونے والی شدید برفباری ہے
