site
stats
پاکستان

ایچ ای سی نے 4 یونیورسٹیوں میں داخلوں پرپابندی عائد کردی

Higher Education Commission

کراچی : ہائر ایجوکیشن کمیشن نے چار جامعات میں طلبہ کے داخلوں پر پابندی عائد کرتے ہوئے کہا ہے کہ طلبہ ان اداروں میں داخلہ نہ لیں۔

تفصیلات کے مطابق ہائرایجوکیشن کمیشن نے ملک کے مختلف شہروں کی چار جامعات میں طلبہ کے داخلوں پر پابندی عائد کردی۔ یہ پابندی تدریسی بے ضابطگیوں اور بدانتظامی کے باعث لگائی گئی ہے۔

ہائرایجوکیشن کمیشن کی جانب سے جن چار یونیورسٹیوں میں داخلوں پر پابندی لگائی گئی ہے ان میں پرسٹن انسٹیٹیوٹ آف مینجمنٹ سائنسز اینڈ ٹیکنالوجی کراچی، ایمپیئریل کالج آف برنس اسٹڈیز لاہور، گلوبل انسٹیٹیوٹ لاہور اور الخیر یونیورسٹی آزاد کشمیر شامل ہیں۔

ایچ ای سی کی جانب سے کہا گیا ہےکہ طلبہ ان تعلیمی اداروں میں داخلے کی درخواست دینے کی بجائے متبادل تلاش کریں۔

ایچ ای سی کا مزید کہنا ہے کہ ان اداروں کے نہ صرف مرکزی کیمپسز بلکہ ذیلی کیپمسز، برانچزاور ملحقہ ادارے بھی کسی بھی پروگرام میں طلبہ کو داخلہ دینے کےلیے اہل نہیں ہیں۔

واضح رہے کہ ہائرایجوکیشن کمیشن نے طلبہ کو خبردار کیا ہے کہ ان تعلیمی اداروں سے موصول ہونے والی کوئی بھی ڈگری تسلیم نہیں کی جائے گی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top