امریکا میں ٹیلی ویژن کی معروف شخصیت ہیڈی مونٹاگ جانور کا کچا جگر چبا کر کھا گئیں اور کھاتے وقت اس عمل کی ویڈیو بھی بنائی۔
ٹی وی اداکارہ ہیڈی مونٹاگ نے فوٹو اینڈ ویڈیو شیئرنگ ایپلی کیشن انسٹا گرام پر ایک روز قبل اپنی ویڈیو پوسٹ کی جسے دیکھ کر ہر کوئی حیرت زدہ ہوگیا۔ سوشل میڈیا صارفین کو اپنی آنکھوں پر یقین نہیں آیا لیکن جو کچھ ویڈیو میں تھا وہ سچ تھا۔
ویڈیو میں دیکھا جا سکتا ہے کہ اداکارہ ہیڈی مونٹاگ کے ہاتھ میں کسی جانور کا جگر ہے۔ ہیڈی مونٹاگ نے ویڈیو میں بتایا کہ ”جگر اور اسی طرح جانور کے جسم کے دیگر اعضا کچے کھانے سے صحت پر مثبت اثرات پڑتے ہیں“۔
View this post on Instagram
اداکارہ نے کچا جگر چباتے ہوئے کہا کہ دیکھیں میں نے اسے کھایا ہے۔ ہیڈی مونٹاگ نے جگر کھانے سے لطف اندوز ہوتے ہوئے کہا کہ آپ کو یقینی طور پر اس کی عادت ہو جائے گی۔
انہوں نے انسٹا گرام پر ویڈیو پوسٹ کرتے ہوئے صارفین کے منفی ردِ عمل سے بچنے کے لیے کمنٹ سیکشن بند رکھا ہے۔ ان کے فالورز کی تعداد 9 لاکھ 77 ہزار سے زائد ہے۔
View this post on Instagram