تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

جرمنی میں 4 روزہ’ہیم ٹیکسٹائل نمائش‘آج سے ہوگی

برلن : جرمنی میں ٹیکسٹائل کے حوالے سے دنیا کی سب سے بڑی4 روزہ نمائش” ہیم ٹیکسٹائل” فرینکفرٹ کے میسے میں آج10 جنوری سے 13 جنوری 2023 تک منعقد ہوگی۔

تفصیلات کے مطابق جرمنی کے شہر فرینکفرٹ میں ہوم ٹیکسٹائل کی سب سے بڑی چار روزہ عالمی نمائش ہیم ٹیکسٹائل کا میلہ آج دس جنوری سے سجے گا جو 13 جنوری تک جاری رہے گا۔

نمائش میں پاکستان کے 260 سے زائد ایکسپورٹرز شرکت کر رہے ہیں، عالمی نمائش میں پاکستان کی ایکسپورٹ سے زرمبادلہ حاصل ہوگا۔ اس حوالے سے میسے فرینکفرٹ انتظامیہ کا کہنا ہے کہ نمائش میں تمام مندوبین کو بہتر سہولیات فراہم کرنے کے مؤثر اقدامات کئے گئے ہیں۔

چار روزہ عالمی نمائش میں پاکستانی پویلین گزشتہ سال کی طرح اس بار بھی غیرملکیوں کے توجہ کا مرکز بنیں گے، یہاں پاکستانی ٹیکسٹائل مصنوعات کی زبردست مانگ دیکھنے میں آئے گی۔

ہیم ٹیکسٹائل نمائش میں شریک پاکستانی ایکسپورٹرز کا کہنا ہے کہ پاکستانی ٹیکسٹائل کی مانگ میں اضافہ ہوا ہے اور یورپی منڈی میں پاکستانی بیڈ شیٹ، گارمنٹس، تولیہ اور دیگر ٹیکسٹائل مصنوعات زبردست آرڈرز ملنے کے امکانات ہیں۔

توقع کی جارہی ہے کہ رواں سال جنوری2023 میں ہیم ٹیکسٹائل نمائش میں دنیا بھر سے نئے خریداروں کے علاوہ بہت سے معروف بڑے نمائش کنندگان بھی آئیں گے۔

واضح رہے کہ گزشتہ سال پاکستان سے 56 نمائش کنندگان نے ہیم ٹیکسٹائل فرینکفرٹ میں پاکستان پویلین کے تحت حصہ لیا جس میں 175 نمائش کنندگان نے انفرادی طور پر شرکت کی تھی جو کہ پاکستان کی طرف سے کسی بھی نمائش میں سب سے بڑی شرکت ہے۔

Comments

- Advertisement -
محمد صلاح الدین
محمد صلاح الدین
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں