امریکی ریاست فلوریڈا میں سمندر کنارے نہاتے سیاحوں پر اچانک ہیلی کاپٹر آ گرا جس کی ویڈیو سوشل میڈیا پر وائرل ہو رہی ہے۔
فلوریڈا کے مشہور بیچ میامی میں سمندر کنارے سیاحوں کی بڑی تعداد لطف اندوز ہو رہی تھی کہ اسی وقت ہچکولے کھاتا ہیلی کاپٹر ان پر گر گیا۔ حادثہ مقامی وقت کے مطابق دوپہر 1 بج کر 20 منٹ پر پیش آیا، ہیلی کاپٹر میں تین افراد سوار تھے۔
پولیس کے مطابق حادثے کی اطلاع ملتے ہی پولیس، ریسکیو ادارے اور سول ایوی ایشن کے اہلکار جائے حادثہ پر پہنچے اور تینوں افراد کو ہیلی کاپٹر سے نکال کر اسپتال منتقل کیا جہاں دو کی حالت تشویش ناک ہے۔
This afternoon at 1:10 p.m., MBPD received a call of a helicopter crash in the ocean near 10 Street. Police and @MiamiBeachFire responded to the scene along with several partner agencies. Two occupants have been transported to Jackson Memorial Hospital in stable condition.
1/2 pic.twitter.com/heSIqnQtle
— Miami Beach Police (@MiamiBeachPD) February 19, 2022
ایجنسی نیشنل ٹرانسپورٹیشن نے سیفٹی بورڈ کے ساتھ حادثے کی تحقیقات شروع کر دیں۔
میامی بیچ انتظامیہ کا کہنا ہے کہ خوش قسمتی سے کوئی جانی نقصان نہیں ہوا، حادثے کے وقت شہریوں کی بڑی تعداد ساحل پر موجود تھی۔
گزشتہ سال امریکی ریاست ایریزونا کے علاقے چینڈلر میں فضا میں ایک ہیلی کاپٹر اور چھوٹے طیارے کے مابین ٹکراؤ ہو گیا تھا جس میں ہیلی کاپٹر میں سوار 2 افراد ہلاک ہو گئے تھے۔
مقامی حکام کا کہنا تھا کہ طیارہ اور ہیلی کاپٹر مقامی ایئر پورٹ پہنچے، فضا میں ٹکرانے کے بعد ہیلی کاپٹر سنبھل نہ سکا اور زمین پر گر گیا، جس کے باعث اس میں آگ لگ گئی۔