The news is by your side.

Advertisement

افغان صوبے لوگر میں فوجی ہیلی کاپٹر گر کر تباہ، 2 امریکی فوجی ہلاک

لوگر: افغانستان کے صوبے لوگر میں فوجی ہیلی کاپٹر گر کر تباہ ہو گیا ہے، جس کے نتیجے میں 2 امریکی فوجی ہلاک ہو گئے ہیں۔

تفصیلات کے مطابق افغان میڈیا نے خبر دی ہے کہ صوبہ لوگر میں فوجی ہیلی کاپٹر گرنے کے واقعے میں 2 امریکی فوجی ہلاک ہو گئے۔

طالبان نے دعویٰ کر دیا ہے کہ امریکی فوجی ہیلی کاپٹر چینوک انھوں نے مار گرایا ہے، طالبان کے ترجمان ذبیح اللہ مجاہد نے ٹویٹر کے ذریعے کہا ہے کہ امریکی چاپر ضلع چرخ میں پنگرام کے علاقے میں طالبان کے ٹھکانے پر ریڈ کرنے والا تھا۔

طالبان ترجمان کے مطابق یہ واقعہ کل رات پیش آیا، انھوں نے دعویٰ کیا ہے کہ ہیلی کاپٹر کریش واقعے میں 54 افراد ہلاک ہوئے ہیں۔ واقعے کے بعد مزید ہیلی کاپٹرز اور طیاروں نے علاقے کو گھیر لیا تھا۔

تازہ ترین:  امریکا کا طالبان کی قید سے آسٹریلوی اور امریکی پروفیسرز کی بازیابی کا خیرمقدم

ترجمان کے مطابق گزشتہ رات غزنی میں بھی قلعہ جوز میں طالبان حملے میں 8 مسلح اہل کاروں کو مار دیا گیا ہے، اور ان سے بڑی تعداد میں اسلحہ چھینا گیا۔

یاد رہے کہ گزشتہ روز افغان صوبے فاریاب میں فورسز کے فضائی حملے میں 2 افغان طالبان کمانڈر ملا احمد اور قاری معراج ہلاک جب کہ دو طالبان زخمی ہو گئے تھے۔ طالبان کی جانب سے بھی افغانستان کے دارالحکومت کابل میں ملٹری کے تربیتی مرکز پر خودکش دھماکا کیا گیا تھا جس کے نتیجے میں 3 فوجی زخمی ہو گئے تھے۔

fb-share-icon0
Tweet 20

Comments

comments

یہ بھی پڑھیں