The news is by your side.

Advertisement

طالبان حکومت پر حزبِ اسلامی کا بڑا اعلان

افغانستان کے سابق وزیراعظم گل بدین حکمت یار کی جماعت حزبِ اسلامی نے طالبان کی عبوری حکومت کی مکمل حمایت کا ‏اعلان کردیا۔

ذرائع کے مطابق حزب اسلامی حکمت یار کا کہنا ہے کہ طالبان حکومت کی غیرمشروط حمایت کرتےہیں طالبان ‏کو مشورہ تھا پہلےعبوری حکومت قائم کریں طالبان عبوری کابینہ میں اب بھی کافی عہدےخالی ہیں کابینہ میں ‏نہ ہمیں سیٹ دی اورنہ ہم توقع رکھتےتھے۔

حزب اسلامی کا کہنا ہے کہ غیریقینی صورتحال میں طالبان کی تائیدکرتےہیں 20 سال جدوجہدکرنے والے عبوری ‏کابینہ کاحصہ بنے ہیں۔ حزب اسلامی نے سوال اٹھایا ہے کہ آنےوالےوقت میں اب لوئیہ جرگہ اور ملک کی آئین ‏سازی کیسے ہوگی؟ پارلیمنٹ کوکونسی شوریٰ تبدیل کرے گی؟

طالبان حکومت کے قیام سے متعلق عالمی طاقتیں اور دیگر ممالک اپنے اپنے موقف کا اظہار کر رہے ہیں اور دنیا ‏بھر سے ردعمل آنے کا سلسلہ برقرار ہے۔

چینی حکومت کا کہنا ہے کہ افغانستان کی نئی حکومت اور سربراہ کے ساتھ رابطہ برقرار رکھنے کیلئے تیار ہیں، ‏ہم افغانستان کی خومختاری ، آزادی اورسالمیت کا احترام کرتے ہیں۔

اس سے قبل امریکی محکمہ خارجہ کے ترجمان نے طالبان کی عبوری حکومت کے اعلان پر تشویش کا اظہار کیا ‏تھا اور کہا تھا کہ طالبان کو ان کی باتوں سے نہیں، ان کے اقدامات سے پرکھیں گے۔

طالبان کی جانب سے عبوری حکومت کے اعلان پر پاکستان کا ردعمل آیا ہے۔ ترجمان دفترخارجہ سے جاری بیان ‏کے مطابق پاکستان افغانستان میں حکومت سازی کاجائزہ لے رہا ہے امید ہے عبوری افغان حکومت امن وسلامتی ‏کیلئے کام کرے گی۔

ترجمان کا کہنا ہے کہ افغان عوام کی فلاح وبہبودعبوری حکومت کی ترجیح ہونی چاہئے، پاکستان پرامن، ‏مستحکم اور خودمختارافغانستان کاحامی ہے۔

Comments

یہ بھی پڑھیں