شوبز انڈسٹری کی معروف جوڑی حبا بخاری اور آریز احمد کے ہاں ننھے مہمان کی آمد ہوئی ہے۔
فوٹو اور ویڈیو شیئرنگ ایپ انسٹاگرام پر اداکارہ حبا بخاری نے پوسٹ شیئر کرکے مداحوں کو بیٹی کی پیدائش کی اطلاع دی ہے۔
حبا بخاری نے مداحوں کو خوشخبری سناتے ہوئے پوسٹ میں لکھا کہ ’اس سال نے ہماری زندگی تبدیل کردی ہے، جسے میں لفظوں میں بیان نہیں کرسکتی، ہم اپنی ننھی پری کی پیدائش کا دوسرا مہینہ منا رہے ہیں۔
اداکارہ نے لکھا کہ تمہاری موجودگی محبت کی سب سے اعلیٰ قسم ہے، اللہ کا شکر ادا کرتی ہوں کہ اس نے اپنی رحمت سے ہمیں نوازا، ہماری پیاری اینجل، ہماری زندگی کی روشنی ہو۔
حبا بخاری نے بیٹی نام ’آئینور رکھا ہے اور اس کا مطلب چاند کی روشنی بتایا ہے۔
View this post on Instagram
اداکارہ کو بیٹی کی پیدائش پر مداحوں اور ساتھی اداکاروں کی جانب سے مبارکباد اور دعائیں دی جارہی ہیں۔
واضح رہے کہ حبا بخاری اور آریز احمد 6 جنوری 2022 کو رشتہ ازدواج میں منسلک ہوئے تھے دونوں نے کئی ڈراموں میں ایک ساتھ مرکزی کردار نبھایا ہے۔
