کراچی : پاکستان شوبز کی خوبرو اداکارہ حبا بخاری نے نماز پڑھنے کے بعد اپنے موبائل فون پر پھونک مارنے کی ایسی وجہ بتائی کہ سننے والے بے ساختہ ہنس پڑے۔
فوٹو اینڈ ویڈیو شیئرنگ ایپ انسٹاگرام پر حبا بخاری کا ایک ویڈیو کلپ وائرل ہورہا ہے جس میں انہیں ایک دلچسپ موضوع پر گفتگو کرتے دیکھا جاسکتا ہے۔
ویڈیو میں اپنے مخصوص انداز میں مسکراتے ہوئے انہوں نے بتایا کہ میں نماز پڑھنے کے بعد اپنے موبائل پر پھونک مارتی تھی۔
View this post on Instagram
حبا بخاری نے اس کی وجہ بیان کرتے ہوئے کہا کہ ہر کوئی مجھ سے فون پر پھونک مارنے کی وجہ پوچھتا تھا،تو میں نے انہیں بتایا کہ دیکھیں سب کے فون چوری ہو رہے ہیں اور میرا فون نہیں چوری ہو رہا۔
اداکارہ کے اس دلچسپ انکشاف پر حاضرین بھی ہنسنے پر مجبور ہوگئے، مذکورہ ویڈیو پر سوشل میڈیا صارفین بھی دلچسپ کمنٹس کررہے ہیں۔
ٹیلی وژن کے متعدد مشہور ڈراموں میں اداکاری کے جوہر دکھانے والی حبا بخاری اکثر و بیشتر مرکزی کرداروں میں نظر آتی ہیں جسے صارفین بھی خوب پسند کرتے ہیں۔
