گوادر سے بلوچستان اسمبل کے رکن مولانا ہدایت الرحمٰن کا بیٹا عبدالباسط کو کراچی کے علاقہ سعود آباد سے مبینہ طور پر اغوا کرلیا گیا۔
تفصیلات کے مطابق گوادر سے منتخب رکن صوبائی اسمبلی مفتی ہدایت الرحمن کا بیٹا کراچی سے مبینہ طور پر لاپتا ہو گیا، وزیراعلیٰ بلوچستان سرفراز بگٹی نے مکمل تعاون کی یقین دہانی کرادی۔
اہل خانہ نے بتایا کہ لڑکا اپنے ماموں کےگھر جانے کا کہہ کر مدرسے سے روانہ ہوا تھا، لڑکا سعود آباد میں زیر تعلیم ہے، کل شام مدرسے سے نکلا تھا۔
وزیر اعلیٰ سندھ نے اغوا کی خبر ملنے پر آئی جی سندھ سے فوری رپورٹ طلب کرلی، ترجمان وزیراعلیٰ ہاؤس کے مطابق وزیراعلیٰ سید مراد علی شاہ نے مغوی عبد الباسط کی تلاش کے لئے ہر ممکن اقدامات کی ہدایت کی ہے۔
دوسری جانب وزیر اعلیٰ بلوچستان سرفراز بگٹی نے مولانا ہدایت الرحمٰن سے ٹیلیفونک رابطہ کیا اور ان سے واقعے کی تفصیل دریافت کی اور انہیں مکمل تعاون کی یقین دہانی کروا دی۔
