The news is by your side.

Advertisement

بھارتی گلوکار "کے کے” کی موت : پوسٹ مارٹم رپورٹ میں اہم انکشاف

ممبئی : بھارتی گلوکار کرشن کمار "کے کے” کی اچانک موت کے حوالے سے ان کے مداحوں میں تشویش اور تجسس پیدا ہوگیا ہے کیونکہ ان چہرے پر مبینہ طور پر چوٹ کے نشانات پائے گئے۔

بھارتی میڈیا رپورٹس کے مطابق ان کی پیشانی اور ہونٹوں پر مبینہ طور پر چوٹ کے نشانات پائے گئے تھے جس کے بعد پولیس نے غیرطبعی موت کا مقدمہ درج کرلیا ہے۔

گلوکار کی لاش کا پوسٹ مارٹم کرنے والے ڈاکٹر نے کہا ہے کہ کے کے کو شاید معدے کی تیزابیت دور کرنے کیلئے اینٹاسڈس دیا گیا تھا کیونکہ ہوسکتا ہے کہ درد کو کچھ کم کرنے کے لیے اس کا استعمال کیا ہوگا۔

مذکورہ ڈاکٹر کے مطابق گلوکار کے کے اینٹاسڈز سے متاثر تھا کیونکہ وہ شاید اپنے درد میں کمی یا ہاضمے میں بہتری کیلئے اسے استعمال کررہا تھا۔

کولکتہ پولیس کے ایک سینئر افسر نے انکشاف کیا ہے کہ مرحوم کی اہلیہ نے بھی اس بات کا اعتراف کیا ہے کہ مرحوم نے بہت زیادہ اینٹاسڈز لی ہیں۔

آئی پی ایس افسر نے کہا کہ مرحوم نے اپنی بیوی سے ٹیلیفونک گفتگو کے دوران اپنے بازو اور کندھوں میں درد کے بارے میں بھی بتایا تھا۔

پوسٹ مارٹم کرنے والے ڈاکٹر نےمیڈیا کو بتایا کہ اگر کے کے کو کارڈیو پلمونری ریسیسیٹیشن (سی پی آر) بروقت لگائی جاتی تو اسے بچایا جا سکتا تھا۔

Comments

یہ بھی پڑھیں