راولپنڈی : آئی ایس پی آر کا کہنا ہے کہ پاک فوج میں اعلی سطحی تقرریاں اور تبادلےکئے گئے، جن میں حال ہی میں ترقی پانے والے لیفٹیننٹ جنرلز کی تقرریاں بھی شامل ہیں۔
پاک فوج کے شعبہ تعلقات عامہ (آئی ایس پی آر) کے مطابق پاک فوج میں اعلی سطحی تقرریاں اور تبادلے کئے گئے، جن میں لیفٹیننٹ جنرل فیض حمید، لیفٹیننٹ جنرل اظہر عباس، لیفٹیننٹ جنرل نعمان، لیفٹیننٹ جنرل ساحر اور لیفٹیننٹ جنرل عدنان شامل ہیں۔
آئی ایس پی آر کا کہنا ہے ل لیفٹیننٹ جنرل فیض حمید کو ایڈجٹینٹ جنرل کی ذمہ داریاں دی گئی ہیں، پاک فوج میں ایڈجٹینٹ جنرل انتہائی اہم معاملات کی نگرانی کے ذمہ دار ہوتے ہیں جن میں ڈسپلن، بھرتیوں اور بعض اہم آپریشنل معاملات شامل ہیں۔
جوائنٹ سٹاف ہیڈ کوارٹر میں ڈائریکٹر جنرل لیفٹیننٹ جنرل اظہر عباس جبکہ لیفٹیننٹ جنرل نعمان کو انسپکٹر جنرل کمیونکیشن اینڈ انفارمیشن ٹیکنالوجی تعینات کیا گیا ہے۔
مزید پڑھیں : پاک فوج کے 4 میجر جنرلز کی لیفٹیننٹ جنرلز کے عہدے پر ترقی
ترجمان کے مطابق لیفٹیننٹ جنرل عدنان کمانڈربہاولپور مقررکردیا گیا جبکہ لیفٹیننٹ جنرل ساحروائس چیف آف جنرل اسٹاف کی ذمہ داریاں جاری رکھیں گے۔
یاد رہے حال ہی میں پاک فوج نے 4 میجر جنرل کو لیفٹیننٹ جنرل کے عہدے پر ترقی دی تھی، جن میں میجرجنرل ساحرشمشاد مرزا، نعمان محمود ، میجرجنرل اظہرعباس اور فیض حمید شامل تھے۔
ساحرشمشاد مرزا وائس چیف آف جنرل اسٹاف اے خدمات دےرہےہیں، ساحر شمشاد مرزا ڈی جی ملٹری آپریشز خدمات انجام دے چکے ہیں جبکہ اظہر عباس کمانڈنٹ اسکول آف انفینٹری اینڈٹیکٹکس کوئٹہ تھے۔
واضح رہے دسمبر 2018 میں پاک فوج کے 2 لیفٹیننٹ جنرلز کی تقرریاں اور تبادلے کئے گئے تھے، لیفٹیننٹ جنرل عامر ریاض کو پریزیڈنٹ نیشنل ڈیفنس یونیورسٹی جبکہ لیفٹیننٹ جنرل ماجد احسان کو کور کمانڈر لاہور تعینات کیا گیا تھا۔
