تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

دوسرا صدارتی مباحثہ ہیلری کلنٹن نے جیت لیا

سینٹ لوئس: ڈیموکریٹک پارٹی کے صدارتی امیدوار ہیلری کلنٹن نے دوسرا صدارتی مباحثہ 57فیصد ووٹ حاصل کرکے جیت لیا۔

تفصیلات کےمطابق ریپبلکن امیدوار ڈونلڈ ٹرمپ اور ڈیموکریٹک امیدوار ہیلری کلنٹن کے درمیان دوسرا مباحثہ ریاست میسوری کے علاقے سینٹ لوئس کی واشنگٹن یونیورسٹی میں ہوا۔

صدارتی مباحثے کا آغاز خوشگوار انداز میں ہوا جب دونوں امیدواروں نے ایک دوسرے سے مصافحہ کیا تاہم کچھ ہی دیر بعد ماحول گرم ہوگیا۔

post-h-2

ڈیموکریٹک پارٹی کی صدارتی امیدوار ہیلری کلنٹن نے کہاکہ ڈونلڈ ٹرمپ کی آڈیوٹیب جس نے بھی سنی وہ یہی سمجھتا ہےکہ ٹرمپ میں صدر بننے کی اہلیت نہیں ہے۔

post-h-3

ڈونلڈ ٹرمپ کا کہنا تھا کہ ہیلری کلنٹن نے2009سے2013 تک وزیرخارجہ کے عہدے پر رہی اس دوران ذاتی ای میل اکاؤنٹ استعمال کرکے قومی سلامتی کوخطرے میں ڈالا جس پر ہیلری کلنٹ نے کہا کہ ذاتی ای میل اکاؤنٹ سے میل بھیجنا غلطی تھی۔

post-h-4

ہیلری کلنٹن نے ڈونلڈ ٹرمپ کو تنقید کا نشانہ بناتے ہوئے کہا کہ افسوس ہے کہ امریکی مسلمانوں کےبارے میں ایسی باتیں سننے کو ملتی ہیں،اس کے برعکس انہوں نےایسے مسلمانوں کی مثال بھی دی جنہوں نے عراق میں ملک کی خاطر اپنی جان قربان کی۔

post-h-5

ڈیموکریٹک پارٹی کی صداراتی امیدوار ہیلری کلنٹن کا کہناتھا کہ ہماری جنگ اسلام سے نہیں داعش جیسے تنظیموں سے ہے۔

دوسری جانب ڈونلڈ ٹرمپ کا کہناتھا کہ خواتین سے متعلق میری گفتگو ایک بند کمرے میں کی گئی تھی،جس پر مجھے فخر نہیں ہے۔میں خواتین کی بہت عزت کرتا ہوں اورمیں سچ کہہ رہا ہوں۔

انہوں نے ہیلری کلنٹن کو تنقید کا نشانہ بناتےہوئے کہا کہ 33 ہززر ای میلز کا تعلق کیا ان کی بیٹی کی شادی سے تھاجو یہ ذاتی ای میل اکاؤنٹ کی بات کرتی ہیں۔

اوباما کیئرپروجیکٹ کےحوالے سے ڈونلڈ ٹرمپ کا کہنا تھاکہ یہ بہت مہنگا پروجیکٹ ہے اور سے کئی کمپنیوں نے اپنا کاروبار چمکایا ہواہے اگر میں صدر بنا تو اسےختم کردوں گا۔

ہیلری کلنٹن کا کہناتھاکہ اوباما کئیرپروجیکٹ منسوخ ہوا تو 20 ملین افراد کو حا صل سہولت ختم ہو جائے گی اس پروگرام سے عوام کی زندگی میں بہتری آئی ہےاگرمیں صدر منتخب ہوئی تو اس منصوبے میں ترمیم کی جائے گی۔

واضح رہے کہ امریکی ٹی وی چینل سی این این کےمطابق ڈیموکریٹک پارٹی کی امیدوار ہیلری کلنٹن نے دوسرا صدارتی مباحثہ 57 فیصد ووٹ حاصل کرکے جیت لیا۔

Comments

- Advertisement -