بیوی کو خوش کرنے کے لیے شوہر نے فلم سلطان کے تمام ٹکٹ خرید لیے -
The news is by your side.

Advertisement

بیوی کو خوش کرنے کے لیے شوہر نے فلم سلطان کے تمام ٹکٹ خرید لیے

ممبئی: سلمان خان کی فلم سلطان نے ریلیز ہوتے ہی باکس آفس پر دھوم مچا دی اور کمائی کے بھی ریکارڈ بنا رہی ہے۔

ایک خبر کے مطابق بھارتی شہر ہماچل میں ایک شخص نے اپنی بیوی کو خوش کرنے کے لئے فلم سلطان کا پورا شو ہی بک کروالیا اور دونوں شوہر بیوی نے تھیٹر میں فلم کا لطف اٹھایا۔

رپورٹس کے مطابق اس شخص کا نام شنکر مسافر ہے اور یہ ہماچل پردیش کے ہمیر پور کا رہنے والا ہے، اس شخص نے فلم ریلیز کے ایک دن پہلے ہی سنیما گھر کے پورے 120 سیٹ کی ایڈوانس بکنگ کر لی تھی۔

اس کا کہنا ہے کہ اس کی بیوی سلمان کی بڑی فین ہے اسی لئے اس نے بیوی کو خوش کرنے کے لئے پورا تھیٹر بک کروا لیا۔

واضح رہے کہ یش راج فلمز کے بینر تلے بننے والی فلم ’سلطان‘میں سلمان خان اورانوشکا شرما مرکزی کردار ادا کیا ہیں، فلم ’سلطان ‘میں سلمان خان ہریانہ سے تعلق رکھنے والے معروف پہلوان سلطان علی خان کے روپ میں نظر آئیں ہیں ۔ سلطان علی خان ہندوستان کو اولمپکس ریسلنگ میں گولڈ میڈل جتوانے میں کامیاب ہوئے تاہم اس کے بعد ان کی زندگی میں کافی مسائل پیش آئے اور اسی کہانی پر یہ فلم مبنی ہے۔

فلم سلطان کے حوالے سے بالی ووڈ اسٹار مسٹر پرفیکشنسٹ عامر خان سے جب سپر اسٹار سلمان کی دونوں فلموں بجرنگی بھائی جان اور سلطان کے بارے میں سوال کیا گیا تو عامر خان کا کہنا تھا کہ فلم سلطان نے مجھے رلادیا سلمان کی دونوں ہی فلمیں ’بجرنگی بھائی جان‘ اور ’سلطان‘ شاندار ہیں، ان کا آپس میں کوئی موازنہ نہیں‘۔

Comments

comments

یہ بھی پڑھیں